Pāli Pali Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
1 Sīlaṁ acetasikanti? Āmantā. Rūpaṁ …pe… nibbānaṁ … Cakkhāyatanaṁ …pe… kāyāyatanaṁ … rūpāyatanaṁ …pe… phoṭṭhabbāyatananti? Na hevaṁ vattabbe …pe… sīlaṁ acetasikanti? Āmantā. Phasso acetasikoti? Na hevaṁ vattabbe …pe… sīlaṁ acetasikanti? Āmantā. Vedanā …pe… saññā …pe… cetanā …pe… saddhā …pe… vīriyaṁ …pe… sati …pe… samādhi …pe… paññā acetasikāti? Na hevaṁ vattabbe …pe….
2 Phasso cetasikoti? Āmantā. Sīlaṁ cetasikanti? Na hevaṁ vattabbe …pe… vedanā …pe… saññā …pe… cetanā …pe… saddhā …pe… vīriyaṁ …pe… sati …pe… samādhi …pe… paññā cetasikāti? Āmantā. Sīlaṁ cetasikanti? Na hevaṁ vattabbe …pe….
3 Sīlaṁ acetasikanti? Āmantā. Aniṭṭhaphalanti? Na hevaṁ vattabbe …pe… nanu iṭṭhaphalanti? Āmantā. Hañci iṭṭhaphalaṁ, no ca vata re vattabbe— “sīlaṁ acetasikan”ti.
4 Saddhā iṭṭhaphalā, saddhā cetasikāti? Āmantā. Sīlaṁ iṭṭhaphalaṁ, sīlaṁ cetasikanti? Na hevaṁ vattabbe …pe… vīriyaṁ …pe… sati …pe… samādhi …pe… paññā iṭṭhaphalā, paññā cetasikāti? Āmantā. Sīlaṁ iṭṭhaphalaṁ, sīlaṁ cetasikanti? Na hevaṁ vattabbe …pe….
5 Sīlaṁ iṭṭhaphalaṁ, sīlaṁ acetasikanti? Āmantā. Saddhā iṭṭhaphalā, saddhā acetasikāti? Na hevaṁ vattabbe …pe… sīlaṁ iṭṭhaphalaṁ, sīlaṁ acetasikanti? Āmantā. Vīriyaṁ …pe… sati …pe… samādhi …pe… paññā iṭṭhaphalā, paññā acetasikāti? Na hevaṁ vattabbe …pe….
6 Sīlaṁ acetasikanti? Āmantā. Aphalaṁ avipākanti? Na hevaṁ vattabbe …pe… nanu saphalaṁ savipākanti? Āmantā. Hañci saphalaṁ savipākaṁ, no ca vata re vattabbe— “sīlaṁ acetasikan”ti …pe….
7 Cakkhāyatanaṁ acetasikaṁ avipākanti? Āmantā. Sīlaṁ acetasikaṁ avipākanti? Na hevaṁ vattabbe …pe… sotāyatanaṁ …pe… kāyāyatanaṁ …pe… rūpāyatanaṁ …pe… phoṭṭhabbāyatanaṁ acetasikaṁ avipākanti? Āmantā. Sīlaṁ acetasikaṁ avipākanti? Na hevaṁ vattabbe …pe….
8 Sīlaṁ acetasikaṁ savipākanti? Āmantā. Cakkhāyatanaṁ acetasikaṁ savipākanti? Na hevaṁ vattabbe …pe… sīlaṁ acetasikaṁ savipākanti? Āmantā. Sotāyatanaṁ …pe… kāyāyatanaṁ … rūpāyatanaṁ …pe… phoṭṭhabbāyatanaṁ acetasikaṁ savipākanti? Na hevaṁ vattabbe …pe…
9 Sammāvācā acetasikāti? Āmantā. Sammādiṭṭhi acetasikāti? Na hevaṁ vattabbe …pe… sammāvācā acetasikāti? Āmantā. Sammāsaṅkappo …pe… sammāvāyāmo …pe… sammāsati …pe… sammāsamādhi acetasikoti? Na hevaṁ vattabbe …pe… sammākammanto …pe… sammāājīvo acetasikoti? Āmantā. Sammādiṭṭhi acetasikāti? Na hevaṁ vattabbe …pe… sammāājīvo acetasikoti? Āmantā. Sammāsaṅkappo … sammāvāyāmo … sammāsati … sammāsamādhi acetasikoti? Na hevaṁ vattabbe …pe….
10 Sammādiṭṭhi cetasikāti? Āmantā. Sammāvācā cetasikāti? Na hevaṁ vattabbe …pe… sammādiṭṭhi cetasikāti? Āmantā. Sammākammanto …pe… sammāājīvo cetasikoti? Na hevaṁ vattabbe …pe… sammāsaṅkappo …pe… sammāvāyāmo …pe… sammāsati …pe… sammāsamādhi cetasikoti? Āmantā. Sammāvācā cetasikāti? Na hevaṁ vattabbe …pe… sammāsamādhi cetasikoti? Āmantā. Sammākammanto …pe… sammāājīvo cetasikoti? Na hevaṁ vattabbe …pe….
11 Na vattabbaṁ— “sīlaṁ acetasikan”ti? Āmantā. Sīle uppajjitvā niruddhe dussīlo hotīti? Na hevaṁ vattabbe. Tena hi sīlaṁ acetasikanti. Sīlaṁ acetasikantikathā niṭṭhitā.
