Kv, part 111 · Abhidhamma Pitaka – Pāli · Verses Across
Buddhism · Abhidhamma Pitaka (Pāli only)
Kv, part 111Iddhibalakathā
18
Buddhism · Abhidhamma Pitaka (Pāli only)
Kv, part 111
Iddhibalakathā
PāliPali
Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
Iddhibalena samannāgato kappaṁ tiṭṭheyyāti? Āmantā. Iddhimayiko so āyu, iddhimayikā sā gati, iddhimayiko so attabhāvappaṭilābhoti? Na hevaṁ vattabbe …pe….
Iddhibalena samannāgato kappaṁ tiṭṭheyyāti? Āmantā. Atītaṁ kappaṁ tiṭṭheyya, anāgataṁ kappaṁ tiṭṭheyyāti? Na hevaṁ vattabbe …pe… iddhibalena samannāgato kappaṁ tiṭṭheyyāti? Āmantā. Dve kappe tiṭṭheyya, tayo kappe tiṭṭheyya, cattāro kappe tiṭṭheyyāti? Na hevaṁ vattabbe …pe… iddhibalena samannāgato kappaṁ tiṭṭheyyāti? Āmantā. Sati jīvite jīvitāvasese tiṭṭheyya, asati jīvite jīvitāvasese tiṭṭheyyāti? Sati jīvite jīvitāvasese tiṭṭheyyāti. Hañci sati jīvite jīvitāvasese tiṭṭheyya, no ca vata re vattabbe— “iddhibalena samannāgato kappaṁ tiṭṭheyyā”ti. Asati jīvite jīvitāvasese tiṭṭheyyāti, mato tiṭṭheyya, kālaṅkato tiṭṭheyyāti? Na hevaṁ vattabbe …pe….
