Kv, part 173 · Abhidhamma Pitaka – Pāli · Verses Across
Buddhism · Abhidhamma Pitaka (Pāli only)
Kv, part 173Navattabbaṁsaṅghassadinnaṁmahapphalantikathā
18
Buddhism · Abhidhamma Pitaka (Pāli only)
Kv, part 173
Navattabbaṁsaṅghassadinnaṁmahapphalantikathā
PāliPali
Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
Na vattabbaṁ— “saṅghassa dinnaṁ mahapphalan”ti? Āmantā. Nanu saṅgho āhuneyyo pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassāti? Āmantā. Hañci saṅgho āhuneyyo …pe… anuttaraṁ puññakkhettaṁ lokassa, tena vata re vattabbe— “saṅghassa dinnaṁ mahapphalan”ti.
Na vattabbaṁ— “saṅghassa dinnaṁ mahapphalan”ti? Āmantā. Nanu cattāro purisayugā aṭṭha purisapuggalā dakkhiṇeyyā vuttā bhagavatāti? Āmantā. Hañci cattāro purisayugā aṭṭha purisapuggalā dakkhiṇeyyā vuttā bhagavatā, tena vata re vattabbe— “saṅghassa dinnaṁ mahapphalan”ti.
Na vattabbaṁ— “saṅghassa dinnaṁ mahapphalan”ti? Āmantā. Nanu vuttaṁ bhagavatā— “saṅghe, gotami, dehi, saṅghe te dinne ahañceva pūjito bhavissāmi saṅgho cā”ti. Attheva suttantoti? Āmantā. Tena hi saṅghassa dinnaṁ mahapphalanti.
