Verses Across™
      • 123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219

About, terms & privacy · ·

Buddhism · Abhidhamma Pitaka (Pāli only)

Kv, part 205Dhammakathā

18

Buddhism · Abhidhamma Pitaka (Pāli only)

Kv, part 205

Dhammakathā

PāliPali

Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.

Sabbe dhammā niyatāti? Āmantā. Micchattaniyatāti? Na hevaṁ vattabbe …pe… sammattaniyatāti? Na hevaṁ vattabbe …pe… natthi aniyato rāsīti? Na hevaṁ vattabbe …pe… nanu atthi aniyato rāsīti? Āmantā. Hañci atthi aniyato rāsi, no ca vata re vattabbe— “sabbe dhammā niyatā”ti.
Sabbe dhammā niyatāti? Āmantā. Nanu tayo rāsī vuttā bhagavatā— “micchattaniyato rāsi, sammattaniyato rāsi, aniyato rāsī”ti? Āmantā. Hañci tayo rāsī vuttā bhagavatā— “micchattaniyato rāsi, sammattaniyato rāsi, aniyato rāsi”, no ca vata re vattabbe— “sabbe dhammā niyatā”ti.
Rūpaṁ rūpaṭṭhena niyatanti? Āmantā. Micchattaniyatanti? Na hevaṁ vattabbe …pe… sammattaniyatanti? Na hevaṁ vattabbe …pe… vedanā …pe… saññā …pe… saṅkhārā …pe… viññāṇaṁ viññāṇaṭṭhena niyatanti? Āmantā. Micchattaniyatanti? Na hevaṁ vattabbe …pe… sammattaniyatanti? Na hevaṁ vattabbe …pe….
Na vattabbaṁ— rūpaṁ rūpaṭṭhena niyataṁ …pe… vedanā …pe… saññā …pe… saṅkhārā …pe… viññāṇaṁ viññāṇaṭṭhena niyatanti? Āmantā. Rūpaṁ vedanā hoti …pe… saññā hoti … saṅkhārā honti … viññāṇaṁ hoti … vedanā …pe… saññā …pe… saṅkhārā …pe… viññāṇaṁ rūpaṁ hoti …pe… vedanā hoti … saññā hoti … saṅkhārā hontīti? Na hevaṁ vattabbe. Tena hi rūpaṁ rūpaṭṭhena niyataṁ, vedanā …pe… saññā …pe… saṅkhārā …pe… viññāṇaṁ viññāṇaṭṭhena niyatanti. Dhammakathā niṭṭhitā.

Spotted a mistake or have an idea?

Kv, part 204Kv, part 206
Sources & credits: Pāli

Pāli — Abhidhamma Piṭaka (Pāli, Mahāsaṅgīti edition) (Pāli canon; Mahāsaṅgīti Tipiṭaka edition). CC0 (public domain dedication). Pāli text (Mahāsaṅgīti edition) via SuttaCentral, CC0. Source

Numbers in the margin count the paragraphs of each discourse; SuttaCentral’s own segment numbering is the same in every language, so the versions line up exactly.