Pāli Pali Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
2 Atītaṁ khandhāti? Āmantā. Atītaṁ atthīti? Na hevaṁ vattabbe …pe… atītaṁ āyatananti? Āmantā. Atītaṁ atthīti? Na hevaṁ vattabbe …pe… atītaṁ dhātūti? Āmantā. Atītaṁ atthīti? Na hevaṁ vattabbe …pe… atītaṁ khandhā dhātu āyatananti? Āmantā. Atītaṁ atthīti? Na hevaṁ vattabbe …pe….
3 Anāgataṁ khandhāti? Āmantā. Anāgataṁ atthīti? Na hevaṁ vattabbe …pe… anāgataṁ āyatananti? Āmantā. Anāgataṁ atthīti? Na hevaṁ vattabbe …pe… anāgataṁ dhātūti? Āmantā. Anāgataṁ atthīti? Na hevaṁ vattabbe …pe… anāgataṁ khandhā dhātu āyatananti? Āmantā. Anāgataṁ atthīti? Na hevaṁ vattabbe …pe….
4 Paccuppannaṁ khandhā paccuppannaṁ atthīti? Āmantā. Atītaṁ khandhā atītaṁ atthīti? Na hevaṁ vattabbe …pe… paccuppannaṁ āyatanaṁ paccuppannaṁ atthīti? Āmantā. Atītaṁ āyatanaṁ atītaṁ atthīti? Na hevaṁ vattabbe …pe… paccuppannaṁ dhātu paccuppannaṁ atthīti? Āmantā. Atītaṁ dhātu atītaṁ atthīti? Na hevaṁ vattabbe …pe… paccuppannaṁ khandhā dhātu āyatanaṁ paccuppannaṁ atthīti? Āmantā. Atītaṁ khandhā dhātu āyatanaṁ atītaṁ atthīti? Na hevaṁ vattabbe …pe….
5 Paccuppannaṁ khandhā paccuppannaṁ atthīti? Āmantā. Anāgataṁ khandhā anāgataṁ atthīti? Na hevaṁ vattabbe …pe… paccuppannaṁ āyatanaṁ paccuppannaṁ atthīti? Āmantā. Anāgataṁ āyatanaṁ anāgataṁ atthīti? Na hevaṁ vattabbe …pe… paccuppannaṁ dhātu paccuppannaṁ atthīti? Āmantā. Anāgataṁ dhātu anāgataṁ atthīti? Na hevaṁ vattabbe …pe… paccuppannaṁ khandhā dhātu āyatanaṁ paccuppannaṁ atthīti? Āmantā. Anāgataṁ khandhā dhātu āyatanaṁ anāgataṁ atthīti? Na hevaṁ vattabbe …pe….
6 Atītaṁ khandhā atītaṁ natthīti? Āmantā. Paccuppannaṁ khandhā paccuppannaṁ natthīti? Na hevaṁ vattabbe …pe… atītaṁ āyatanaṁ atītaṁ natthīti? Āmantā. Paccuppannaṁ āyatanaṁ paccuppannaṁ natthīti? Na hevaṁ vattabbe …pe… atītaṁ dhātu atītaṁ natthīti? Āmantā. Paccuppannaṁ dhātu paccuppannaṁ natthīti? Na hevaṁ vattabbe …pe… atītaṁ khandhā dhātu āyatanaṁ atītaṁ natthīti? Āmantā. Paccuppannaṁ khandhā dhātu āyatanaṁ paccuppannaṁ natthīti? Na hevaṁ vattabbe …pe….
7 Anāgataṁ khandhā anāgataṁ natthīti? Āmantā. Paccuppannaṁ khandhā paccuppannaṁ natthīti? Na hevaṁ vattabbe …pe… anāgataṁ āyatanaṁ …pe… anāgataṁ dhātu …pe… anāgataṁ khandhā dhātu āyatanaṁ anāgataṁ natthīti? Āmantā. Paccuppannaṁ khandhā dhātu āyatanaṁ paccuppannaṁ natthīti? Na hevaṁ vattabbe …pe….
8 Atītaṁ rūpaṁ khandhoti? Āmantā. Atītaṁ rūpaṁ atthīti? Na hevaṁ vattabbe …pe… atītaṁ rūpaṁ āyatananti? Āmantā. Atītaṁ rūpaṁ atthīti? Na hevaṁ vattabbe …pe… atītaṁ rūpaṁ dhātūti? Āmantā. Atītaṁ rūpaṁ atthīti? Na hevaṁ vattabbe …pe… atītaṁ rūpaṁ khandhā dhātu āyatananti? Āmantā. Atītaṁ rūpaṁ atthīti? Na hevaṁ vattabbe …pe….
9 Anāgataṁ rūpaṁ khandhoti? Āmantā. Anāgataṁ rūpaṁ atthīti? Na hevaṁ vattabbe …pe… anāgataṁ rūpaṁ āyatanaṁ …pe… anāgataṁ rūpaṁ dhātu …pe… anāgataṁ rūpaṁ khandhā dhātu āyatananti? Āmantā. Anāgataṁ rūpaṁ atthīti? Na hevaṁ vattabbe …pe….
10 Paccuppannaṁ rūpaṁ khandho paccuppannaṁ rūpaṁ atthīti? Āmantā. Atītaṁ rūpaṁ khandho atītaṁ rūpaṁ atthīti? Na hevaṁ vattabbe …pe… paccuppannaṁ rūpaṁ āyatanaṁ …pe… paccuppannaṁ rūpaṁ dhātu …pe… paccuppannaṁ rūpaṁ khandhā dhātu āyatanaṁ paccuppannaṁ rūpaṁ atthīti? Āmantā. Atītaṁ rūpaṁ khandhā dhātu āyatanaṁ atītaṁ rūpaṁ atthīti? Na hevaṁ vattabbe …pe….
11 Paccuppannaṁ rūpaṁ khandho paccuppannaṁ rūpaṁ atthīti? Āmantā. Anāgataṁ rūpaṁ khandho anāgataṁ rūpaṁ atthīti? Na hevaṁ vattabbe …pe… paccuppannaṁ rūpaṁ āyatanaṁ …pe… paccuppannaṁ rūpaṁ dhātu …pe… paccuppannaṁ rūpaṁ khandhā dhātu āyatanaṁ paccuppannaṁ rūpaṁ atthīti? Āmantā. Anāgataṁ rūpaṁ khandhā dhātu āyatanaṁ anāgataṁ rūpaṁ atthīti? Na hevaṁ vattabbe …pe….
12 Atītaṁ rūpaṁ khandho atītaṁ rūpaṁ natthīti? Āmantā. Paccuppannaṁ rūpaṁ khandho paccuppannaṁ rūpaṁ natthīti? Na hevaṁ vattabbe …pe… atītaṁ rūpaṁ āyatanaṁ …pe… atītaṁ rūpaṁ dhātu …pe… atītaṁ rūpaṁ khandhā dhātu āyatanaṁ atītaṁ rūpaṁ natthīti? Āmantā. Paccuppannaṁ rūpaṁ khandhā dhātu āyatanaṁ paccuppannaṁ rūpaṁ natthīti? Na hevaṁ vattabbe …pe….
13 Anāgataṁ rūpaṁ khandho anāgataṁ rūpaṁ natthīti? Āmantā. Paccuppannaṁ rūpaṁ khandho paccuppannaṁ rūpaṁ natthīti? Na hevaṁ vattabbe …pe… anāgataṁ rūpaṁ āyatanaṁ …pe… anāgataṁ rūpaṁ dhātu …pe… anāgataṁ rūpaṁ khandhā dhātu āyatanaṁ anāgataṁ rūpaṁ natthīti? Āmantā. Paccuppannaṁ rūpaṁ khandhā dhātu āyatanaṁ paccuppannaṁ rūpaṁ natthīti? Na hevaṁ vattabbe …pe….
14 Atītā vedanā … atītā saññā … atītā saṅkhārā … atītaṁ viññāṇaṁ khandhoti? Āmantā. Atītaṁ viññāṇaṁ atthīti? Na hevaṁ vattabbe …pe… atītaṁ viññāṇaṁ āyatanaṁ …pe… atītaṁ viññāṇaṁ dhātu …pe… atītaṁ viññāṇaṁ khandhā dhātu āyatananti? Āmantā. Atītaṁ viññāṇaṁ atthīti? Na hevaṁ vattabbe …pe….
15 Anāgataṁ viññāṇaṁ khandhoti? Āmantā. Anāgataṁ viññāṇaṁ atthīti? Na hevaṁ vattabbe …pe… anāgataṁ viññāṇaṁ āyatanaṁ …pe… anāgataṁ viññāṇaṁ dhātu …pe… anāgataṁ viññāṇaṁ khandhā dhātu āyatananti? Āmantā. Anāgataṁ viññāṇaṁ atthīti? Na hevaṁ vattabbe …pe….
16 Paccuppannaṁ viññāṇaṁ khandho paccuppannaṁ viññāṇaṁ atthīti? Āmantā. Atītaṁ viññāṇaṁ khandho atītaṁ viññāṇaṁ atthīti? Na hevaṁ vattabbe …pe… paccuppannaṁ viññāṇaṁ āyatanaṁ …pe… paccuppannaṁ viññāṇaṁ dhātu …pe… paccuppannaṁ viññāṇaṁ khandhā dhātu āyatanaṁ paccuppannaṁ viññāṇaṁ atthīti? Āmantā. Atītaṁ viññāṇaṁ khandhā dhātu āyatanaṁ atītaṁ viññāṇaṁ atthīti? Na hevaṁ vattabbe …pe….
17 Paccuppannaṁ viññāṇaṁ khandho paccuppannaṁ viññāṇaṁ atthīti? Āmantā. Anāgataṁ viññāṇaṁ khandho anāgataṁ viññāṇaṁ atthīti? Na hevaṁ vattabbe …pe… paccuppannaṁ viññāṇaṁ āyatanaṁ …pe… paccuppannaṁ viññāṇaṁ dhātu …pe… paccuppannaṁ viññāṇaṁ khandhā dhātu āyatanaṁ paccuppannaṁ viññāṇaṁ atthīti? Āmantā. Anāgataṁ viññāṇaṁ khandhā dhātu āyatanaṁ anāgataṁ viññāṇaṁ atthīti? Na hevaṁ vattabbe …pe….
18 Atītaṁ viññāṇaṁ khandho atītaṁ viññāṇaṁ natthīti? Āmantā. Paccuppannaṁ viññāṇaṁ khandho paccuppannaṁ viññāṇaṁ natthīti? Na hevaṁ vattabbe …pe… atītaṁ viññāṇaṁ āyatanaṁ …pe… atītaṁ viññāṇaṁ dhātu …pe… atītaṁ viññāṇaṁ khandhā dhātu āyatanaṁ atītaṁ viññāṇaṁ natthīti? Āmantā. Paccuppannaṁ viññāṇaṁ khandhā dhātu āyatanaṁ paccuppannaṁ viññāṇaṁ natthīti? Na hevaṁ vattabbe …pe… anāgataṁ viññāṇaṁ khandho anāgataṁ viññāṇaṁ natthīti? Āmantā. Paccuppannaṁ viññāṇaṁ khandho paccuppannaṁ viññāṇaṁ natthīti? Na hevaṁ vattabbe …pe… anāgataṁ viññāṇaṁ āyatanaṁ …pe… anāgataṁ viññāṇaṁ dhātu …pe… anāgataṁ viññāṇaṁ khandhā dhātu āyatanaṁ anāgataṁ viññāṇaṁ natthīti? Āmantā. Paccuppannaṁ viññāṇaṁ khandhā dhātu āyatanaṁ paccuppannaṁ viññāṇaṁ natthīti? Na hevaṁ vattabbe …pe….
20 Na vattabbaṁ— “atītānāgatā khandhā dhātu āyatanaṁ natthi cete”ti? Āmantā. Nanu vuttaṁ bhagavatā— “tayome, bhikkhave, niruttipathā adhivacanapathā paññatti …pe… viññūhīti …pe…”. Attheva suttantoti? Āmantā. Tena hi na vattabbaṁ— “atītānāgatā khandhā dhātu āyatanaṁ natthi cete”ti.
21 Atītānāgatā khandhā dhātu āyatanaṁ natthi ceteti? Āmantā. Nanu vuttaṁ bhagavatā— “yaṁ kiñci, bhikkhave, rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, ayaṁ vuccati rūpakkhandho. Yā kāci vedanā … yā kāci saññā … ye keci saṅkhārā … yaṁ kiñci viññāṇaṁ atītānāgatapaccuppannaṁ …pe… ayaṁ vuccati viññāṇakkhandho”ti. Attheva suttantoti? Āmantā. Tena hi na vattabbaṁ— “atītānāgatā khandhā dhātu āyatanaṁ natthi cete”ti. Atītakkhandhādikathā niṭṭhitā.
Mark Kv, part 7 as studied Keeps a dated record in My Study and a ✓ in the library
Kv, part 6 Kv, part 8 Pāli — Abhidhamma Piṭaka (Pāli, Mahāsaṅgīti edition) (Pāli canon; Mahāsaṅgīti Tipiṭaka edition). CC0 (public domain dedication). Pāli text (Mahāsaṅgīti edition) via SuttaCentral, CC0. Source
Numbers in the margin count the paragraphs of each discourse; SuttaCentral’s own segment numbering is the same in every language, so the versions line up exactly.
