Pāli Pali Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
2 Sekkhaṁ dhammaṁ paṭicca sekkho dhammo uppajjati hetupaccayā—sekkhaṁ ekaṁ khandhaṁ paṭicca tayo khandhā …pe… dve khandhe …pe….
3 Sekkhaṁ dhammaṁ paṭicca nevasekkhanāsekkho dhammo uppajjati hetupaccayā— sekkhe khandhe paṭicca cittasamuṭṭhānaṁ rūpaṁ.
4 Sekkhaṁ dhammaṁ paṭicca sekkho ca nevasekkhanāsekkho ca dhammā uppajjanti hetupaccayā—sekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe….
5 Asekkhaṁ dhammaṁ paṭicca asekkho dhammo uppajjati hetupaccayā—asekkhaṁ ekaṁ khandhaṁ paṭicca tayo khandhā …pe….
6 Asekkhaṁ dhammaṁ paṭicca nevasekkhanāsekkho dhammo uppajjati hetupaccayā— asekkhe khandhe paṭicca cittasamuṭṭhānaṁ rūpaṁ.
7 Asekkhaṁ dhammaṁ paṭicca asekkho ca nevasekkhanāsekkho ca dhammā …pe… asekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe….
8 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati hetupaccayā—nevasekkhanāsekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe… paṭisandhikkhaṇe …pe… khandhe paṭicca vatthu, vatthuṁ paṭicca khandhā, ekaṁ mahābhūtaṁ paṭicca tayo mahābhūtā …pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ.
9 Sekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati hetupaccayā—sekkhe khandhe ca mahābhūte ca paṭicca cittasamuṭṭhānaṁ rūpaṁ.
10 Asekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati hetupaccayā—asekkhe khandhe ca mahābhūte ca paṭicca cittasamuṭṭhānaṁ rūpaṁ.
12 Sekkhaṁ dhammaṁ paṭicca sekkho dhammo uppajjati ārammaṇapaccayā … adhipatipaccayā (paṭisandhi natthi) … anantarapaccayā … samanantarapaccayā … sahajātapaccayā (sabbe mahābhūtā kātabbā) … aññamaññapaccayā … nissayapaccayā … upanissayapaccayā … purejātapaccayā … āsevanapaccayā—sekkhaṁ ekaṁ khandhaṁ paṭicca tayo khandhā …pe… dve khandhe …pe….
13 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati āsevanapaccayā—nevasekkhanāsekkhaṁ ekaṁ khandhaṁ paṭicca tayo khandhā …pe… dve khandhe …pe… kammapaccayā, vipākapaccayā—vipākaṁ sekkhaṁ ekaṁ khandhaṁ paṭicca tayo khandhā …pe… dve khandhe …pe…. (Tīṇi, paripuṇṇaṁ.)
14 Asekkhaṁ dhammaṁ paṭicca asekkho dhammo uppajjati vipākapaccayā—asekkhaṁ ekaṁ khandhaṁ paṭicca … tīṇi.
15 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati vipākapaccayā—vipākaṁ nevasekkhanāsekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe… paṭisandhikkhaṇe …pe… khandhe paṭicca vatthu, vatthuṁ paṭicca khandhā, ekaṁ mahābhūtaṁ …pe….
16 Sekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati vipākapaccayā—vipāke sekkhe khandhe ca mahābhūte ca paṭicca cittasamuṭṭhānaṁ rūpaṁ.
17 Asekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati vipākapaccayā—asekkhe khandhe ca mahābhūte ca paṭicca cittasamuṭṭhānaṁ rūpaṁ.
19 Sekkhaṁ dhammaṁ paṭicca sekkho dhammo uppajjati āhārapaccayā … indriyapaccayā … jhānapaccayā … maggapaccaya … sampayuttapaccayā … vippayuttapaccayā … atthipaccayā … natthipaccayā … vigatapaccayā … avigatapaccayā.
21 Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava. (Evaṁ gaṇetabbaṁ.)
23 1.12.1.2. Paccayapaccanīya Vibhaṅgavāra Nahetu
24 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati nahetupaccayā—ahetukaṁ nevasekkhanāsekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe… ahetukapaṭisandhikkhaṇe …pe… khandhe paṭicca vatthu, vatthuṁ paṭicca khandhā, ekaṁ mahābhūtaṁ …pe… bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ ekaṁ mahābhūtaṁ …pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.
26 Sekkhaṁ dhammaṁ paṭicca nevasekkhanāsekkho dhammo uppajjati naārammaṇapaccayā— sekkhe khandhe paṭicca cittasamuṭṭhānaṁ rūpaṁ.
27 Asekkhaṁ dhammaṁ paṭicca nevasekkhanāsekkho dhammo uppajjati naārammaṇapaccayā—asekkhe khandhe paṭicca cittasamuṭṭhānaṁ rūpaṁ.
28 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati naārammaṇapaccayā—nevasekkhanāsekkhe khandhe paṭicca cittasamuṭṭhānaṁ rūpaṁ …pe… paṭisandhikkhaṇe …pe… khandhe paṭicca vatthu …pe… ekaṁ mahābhūtaṁ …pe… asaññasattānaṁ …pe….
29 Sekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati naārammaṇapaccayā—sekkhe khandhe ca mahābhūte ca paṭicca cittasamuṭṭhānaṁ rūpaṁ.
30 Asekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati naārammaṇapaccayā—asekkhe khandhe ca mahābhūte ca paṭicca cittasamuṭṭhānaṁ rūpaṁ.
32 Sekkhaṁ dhammaṁ paṭicca sekkho dhammo uppajjati naadhipatipaccayā—sekkhe khandhe paṭicca sekkho adhipati.
33 Asekkhaṁ dhammaṁ paṭicca asekkho dhammo uppajjati naadhipatipaccayā—asekkhe khandhe paṭicca asekkho adhipati.
34 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati naadhipatipaccayā … (paripuṇṇaṁ, paṭisandhipi mahābhūtāpi sabbe) naanantarapaccayā … nasamanantarapaccayā … naaññamaññapaccayā … naupanissayapaccayā … napurejātapaccayā … satta (kusalattikasadisā) … napacchājātapaccayā …pe… naāsevanapaccayā. Vipākaṁ sekkhaṁ ekaṁ khandhaṁ paṭicca tayo khandhā …pe… dve khandhe …pe….
35 Sekkhaṁ dhammaṁ paṭicca nevasekkhanāsekkho dhammo uppajjati naāsevanapaccayā— sekkhe khandhe paṭicca cittasamuṭṭhānaṁ rūpaṁ.
36 Sekkhaṁ dhammaṁ paṭicca sekkho ca nevasekkhanāsekkho ca dhammā uppajjanti naāsevanapaccayā—vipākaṁ sekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe… dve khandhe …pe….
37 Asekkhaṁ dhammaṁ paṭicca asekkho dhammo … tīṇi.
38 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati naāsevanapaccayā … nevasekkhanāsekkhaṁ (ekaṁ, paripuṇṇaṁ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā— sekkhe khandhe paṭicca sekkhā cetanā.
39 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati nakammapaccayā—nevasekkhanāsekkhe khandhe paṭicca nevasekkhanāsekkhā cetanā; bāhiraṁ … āhārasamuṭṭhānaṁ … utusamuṭṭhānaṁ … ekaṁ mahābhūtaṁ …pe….
41 Sekkhaṁ dhammaṁ paṭicca sekkho dhammo uppajjati navipākapaccayā—sekkhaṁ ekaṁ khandhaṁ paṭicca tayo khandhā …pe….
42 Sekkhaṁ dhammaṁ paṭicca nevasekkhanāsekkho dhammo uppajjati navipākapaccayā— sekkhe khandhe paṭicca cittasamuṭṭhānaṁ rūpaṁ.
43 Sekkhaṁ dhammaṁ paṭicca sekkho ca nevasekkhanāsekkho ca dhammā uppajjanti navipākapaccayā—sekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ …pe….
44 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati navipākapaccayā. (Paripuṇṇaṁ, paṭisandhi natthi.)
45 Sekkhañca nevasekkhanāsekkhañca dhammaṁ paṭicca nevasekkhanāsekkho dhammo uppajjati navipākapaccayā—sekkhe khandhe ca mahābhūte ca paṭicca cittasamuṭṭhānaṁ rūpaṁ.
47 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati naāhārapaccayā … naindriyapaccayā … najhānapaccayā … namaggapaccayā.
49 Sekkhaṁ dhammaṁ paṭicca nevasekkhanāsekkho dhammo uppajjati nasampayuttapaccayā …pe…. (Naārammaṇapaccayasadisaṁ.)
51 Sekkhaṁ dhammaṁ paṭicca sekkho dhammo uppajjati navippayuttapaccayā. Arūpe sekkhaṁ ekaṁ khandhaṁ paṭicca tayo khandhā …pe….
52 Asekkhaṁ dhammaṁ paṭicca asekkho dhammo uppajjati navippayuttapaccayā—arūpe asekkhaṁ ekaṁ khandhaṁ paṭicca tayo khandhā …pe….
53 Nevasekkhanāsekkhaṁ dhammaṁ paṭicca nevasekkhanāsekkho dhammo uppajjati navippayuttapaccayā—arūpe nevasekkhanāsekkhaṁ ekaṁ khandhaṁ paṭicca tayo khandhā …pe… bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ …pe… nonatthipaccayā … novigatapaccayā.
55 Nahetuyā ekaṁ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte pañca, navippayutte tīṇi, nonatthiyā pañca, novigate pañca. (Evaṁ gaṇetabbaṁ.)
57 1.12.1.3. Paccayānulomapaccanīya Hetuduka
58 Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca. (Evaṁ gaṇetabbaṁ.)
60 1.12.1.4. Paccayapaccanīyānuloma Nahetuduka
61 Nahetupaccayā ārammaṇe ekaṁ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṁ. (Evaṁ gaṇetabbaṁ.)
62 Paccanīyānulomaṁ. Paṭiccavāro.
64 Sahajātavāro paṭiccavārasadiso.
65 1.12.3. Paccayavāra 1.12.3.1. Paccayānuloma Vibhaṅgavāra Hetu
66 Sekkhaṁ dhammaṁ paccayā sekkho dhammo uppajjati hetupaccayā … tīṇi. (Paṭiccavārasadisaṁ.)
67 Asekkhaṁ dhammaṁ paccayā asekkho dhammo uppajjati hetupaccayā … tīṇi. (Paṭiccavārasadisaṁ.)
68 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati hetupaccayā (paripuṇṇaṁ), mahābhūte paccayā cittasamuṭṭhānaṁ rūpaṁ kaṭattārūpaṁ upādārūpaṁ, vatthuṁ paccayā nevasekkhanāsekkhā khandhā.
69 Nevasekkhanāsekkhaṁ dhammaṁ paccayā sekkho dhammo uppajjati hetupaccayā— vatthuṁ paccayā sekkhā khandhā.
70 Nevasekkhanāsekkhaṁ dhammaṁ paccayā asekkho dhammo uppajjati hetupaccayā— vatthuṁ paccayā asekkhā khandhā.
71 Nevasekkhanāsekkhaṁ dhammaṁ paccayā sekkho ca nevasekkhanāsekkho ca dhammā uppajjanti hetupaccayā—vatthuṁ paccayā sekkhā khandhā, mahābhūte paccayā cittasamuṭṭhānaṁ rūpaṁ.
72 Nevasekkhanāsekkhaṁ dhammaṁ paccayā asekkho ca nevasekkhanāsekkho ca dhammā uppajjanti hetupaccayā—vatthuṁ paccayā asekkhā khandhā, mahābhūte paccayā cittasamuṭṭhānaṁ rūpaṁ.
73 Sekkhañca nevasekkhanāsekkhañca dhammaṁ paccayā sekkho dhammo uppajjati hetupaccayā—sekkhaṁ ekaṁ khandhañca vatthuñca paccayā tayo khandhā …pe… dve khandhā.
74 Sekkhañca nevasekkhanāsekkhañca dhammaṁ paccayā nevasekkhanāsekkho dhammo uppajjati hetupaccayā—sekkhe khandhe ca mahābhūte ca paccayā cittasamuṭṭhānaṁ rūpaṁ.
75 Sekkhañca nevasekkhanāsekkhañca dhammaṁ paccayā sekkho ca nevasekkhanāsekkho ca dhammā uppajjanti hetupaccayā—sekkhaṁ ekaṁ khandhañca vatthuñca paccayā tayo khandhā …pe… dve khandhā. Sekkhe khandhe ca mahābhūte ca paccayā cittasamuṭṭhānaṁ rūpaṁ.
76 Asekkhañca nevasekkhanāsekkhañca dhammaṁ paccayā … tīṇi. (Sekkhasadisā.)
78 Sekkhaṁ dhammaṁ paccayā sekkho dhammo uppajjati ārammaṇapaccayā … ekaṁ.
79 Asekkhaṁ dhammaṁ paccayā asekkho dhammo … ekaṁ.
80 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati ārammaṇapaccayā … ekaṁ, vatthuṁ paccayā nevasekkhanāsekkhā khandhā, cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā nevasekkhanāsekkhā khandhā.
81 Nevasekkhanāsekkhaṁ dhammaṁ paccayā sekkho dhammo uppajjati ārammaṇapaccayā— vatthuṁ paccayā sekkhā khandhā.
82 Nevasekkhanāsekkhaṁ dhammaṁ paccayā asekkho dhammo uppajjati ārammaṇapaccayā— vatthuṁ paccayā asekkhā khandhā.
83 Sekkhañca nevasekkhanāsekkhañca dhammaṁ paccayā sekkho dhammo uppajjati ārammaṇapaccayā—sekkhaṁ ekaṁ khandhañca vatthuñca paccayā tayo khandhā …pe… dve khandhā.
84 Asekkhañca nevasekkhanāsekkhañca dhammaṁ paccayā asekkho dhammo uppajjati ārammaṇapaccayā—asekkhaṁ ekaṁ khandhañca vatthuñca paccayā tayo khandhā …pe… dve khandhā.
86 Sekkhaṁ dhammaṁ paccayā sekkho dhammo uppajjati adhipatipaccayā … anantarapaccayā … samanantarapaccayā … sahajātapaccayā … aññamaññapaccaya … nissayapaccayā … upanissayapaccayā … purejātapaccayā … āsevanapaccayā—sekkhaṁ ekaṁ khandhaṁ paccayā tayo khandhā …pe…
87 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati āsevanapaccayā—nevasekkhanāsekkhaṁ ekaṁ khandhaṁ paccayā …pe… vatthuṁ paccayā nevasekkhanāsekkhā khandhā.
88 Nevasekkhanāsekkhaṁ dhammaṁ paccayā sekkho dhammo uppajjati āsevanapaccayā— vatthuṁ paccayā sekkhā khandhā.
89 Sekkhañca nevasekkhanāsekkhañca dhammaṁ paccayā sekkho dhammo uppajjati āsevanapaccayā—sekkhaṁ ekaṁ khandhañca vatthuñca paccayā tayo khandhā …pe… dve khandhā.
91 Sekkhaṁ dhammaṁ paccayā sekkho dhammo uppajjati kammapaccayā … vipākapaccayā— vipākaṁ sekkhaṁ ekaṁ khandhaṁ …pe… āhārapaccayā … indriyapaccayā … jhānapaccayā … maggapaccayā … sampayuttapaccayā … vippayuttapaccayā … atthipaccayā … natthipaccayā … vigatapaccayā … avigatapaccayā.
93 Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa. (Evaṁ gaṇetabbaṁ.)
95 1.12.3.2. Paccayapaccanīya Vibhaṅgavāra
96 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati nahetupaccayā—ahetukaṁ nevasekkhanāsekkhaṁ ekaṁ khandhaṁ paccayā tayo khandhā cittasamuṭṭhānañca rūpaṁ …pe… dve khandhā. Ahetukapaṭisandhikkhaṇe …pe… khandhe paccayā vatthu, vatthuṁ paccayā khandhā, ekaṁ mahābhūtaṁ paccayā …pe… bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ …pe… cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.
98 Sekkhaṁ dhammaṁ paccayā nevasekkhanāsekkho dhammo uppajjati naārammaṇapaccayā …pe….
99 Sekkhaṁ dhammaṁ paccayā sekkho dhammo uppajjati naadhipatipaccayā—sekkhe khandhe paccayā sekkho adhipati.
100 Asekkhaṁ dhammaṁ paccayā asekkho dhammo uppajjati naadhipatipaccayā—asekkhe khandhe paccayā asekkho adhipati.
101 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati naadhipatipaccayā (paripuṇṇaṁ) asaññasattānaṁ …pe… cakkhāyatanaṁ …pe… vatthuṁ paccayā nevasekkhanāsekkhā khandhā.
102 Nevasekkhanāsekkhaṁ dhammaṁ paccayā sekkho dhammo uppajjati naadhipatipaccayā— vatthuṁ paccayā sekkho adhipati.
103 Nevasekkhanāsekkhaṁ dhammaṁ paccayā asekkho dhammo uppajjati naadhipatipaccayā—vatthuṁ paccayā asekkho adhipati.
104 Sekkhañca nevasekkhanāsekkhañca dhammaṁ paccayā sekkho dhammo uppajjati naadhipatipaccayā—sekkhe khandhe ca vatthuñca paccayā sekkho adhipati.
105 Asekkhañca nevasekkhanāsekkhañca dhammaṁ paccayā asekkho dhammo uppajjati naadhipatipaccayā—asekkhe khandhe ca vatthuñca paccayā asekkho adhipati.
107 Sekkhaṁ dhammaṁ paccayā nevasekkhanāsekkho dhammo uppajjati naanantarapaccayā … nasamanantarapaccayā … naaññamaññapaccayā … naupanissayapaccayā … napurejātapaccayā … napacchājātapaccayā (satta) … naāsevanapaccayā … nakammapaccayā—sekkhe khandhe paccayā sekkhā cetanā.
108 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati nakammapaccayā—nevasekkhanāsekkhe khandhe paccayā nevasekkhanāsekkhā cetanā. bāhiraṁ … āhārasamuṭṭhānaṁ … utusamuṭṭhānaṁ …pe… vatthuṁ paccayā nevasekkhanāsekkhā cetanā.
109 Nevasekkhanāsekkhaṁ dhammaṁ paccayā sekkho dhammo uppajjati nakammapaccayā— vatthuṁ paccayā sekkhā cetanā.
110 Sekkhañca nevasekkhanāsekkhañca dhammaṁ paccayā sekkho dhammo uppajjati nakammapaccayā—sekkhe khandhe ca vatthuñca paccayā sekkhā cetanā.
112 Sekkhaṁ dhammaṁ paccayā sekkho dhammo uppajjati navipākapaccayā. (Sekkhamūlake tīṇi.)
113 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati navipākapaccayā. (Nevasekkhanāsekkhamūlake tīṇi.)
114 Sekkhañca nevasekkhanāsekkhañca dhammaṁ paccayā sekkho dhammo uppajjati navipākapaccayā. (Sekkhaghaṭanesu tīṇi.)
116 Nevasekkhanāsekkhaṁ dhammaṁ paccayā nevasekkhanāsekkho dhammo uppajjati naāhārapaccayā … naindriyapaccayā … najhānapaccayā … namaggapaccayā … nasampayuttapaccayā … navippayuttapaccayā … nonatthipaccayā … novigatapaccayā …pe….
118 Nahetuyā ekaṁ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte pañca, navippayutte tīṇi, nonatthiyā pañca, novigate pañca. (Evaṁ gaṇetabbaṁ.)
120 1.12.3.3. Paccayānulomapaccanīya Hetuduka
121 Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca. (Evaṁ gaṇetabbaṁ.)
123 1.12.3.4. Paccayapaccanīyānuloma
124 Nahetupaccayā ārammaṇe ekaṁ, anantare samanantare sahajāte aññamaññe ekaṁ …pe… avigate ekaṁ. (Evaṁ gaṇetabbaṁ.)
125 Paccanīyānulomaṁ. Paccayavāro.
127 Nissayavāro paccayavārasadiso.
128 1.12.5. Saṁsaṭṭhavāra 1.12.5.1. Paccayānuloma Vibhaṅgavāra Hetu
129 Sekkhaṁ dhammaṁ saṁsaṭṭho sekkho dhammo uppajjati hetupaccayā—sekkhaṁ ekaṁ khandhaṁ saṁsaṭṭhā tayo khandhā …pe… dve khandhe …pe….
130 Asekkhaṁ dhammaṁ saṁsaṭṭho asekkho dhammo uppajjati hetupaccayā—asekkhaṁ ekaṁ khandhaṁ saṁsaṭṭhā tayo khandhā …pe… dve khandhe …pe….
131 Nevasekkhanāsekkhaṁ dhammaṁ saṁsaṭṭho nevasekkhanāsekkho dhammo uppajjati hetupaccayā—nevasekkhanāsekkhaṁ ekaṁ khandhaṁ saṁsaṭṭhā tayo khandhā …pe… dve khandhe …pe… paṭisandhikkhaṇe …pe….
133 Sekkhaṁ dhammaṁ saṁsaṭṭho sekkho dhammo uppajjati ārammaṇapaccayā … adhipatipaccayā …pe… purejātapaccayā … āsevanapaccayā (dve kātabbā) …pe… avigatapaccayā.
135 Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi …pe… avigate tīṇi. (Evaṁ gaṇetabbaṁ.)
137 1.12.5.2. Paccayapaccanīya Vibhaṅgavāra
138 Nevasekkhanāsekkhaṁ dhammaṁ saṁsaṭṭho nevasekkhanāsekkho dhammo uppajjati nahetupaccayā—ahetukaṁ nevasekkhanāsekkhaṁ ekaṁ khandhaṁ saṁsaṭṭhā tayo khandhā …pe… dve khandhe …pe… ahetukapaṭisandhikkhaṇe …pe… vicikicchāsahagate uddhaccasahagate khandhe saṁsaṭṭho vicikicchāsahagato uddhaccasahagato moho.
140 Sekkhaṁ dhammaṁ saṁsaṭṭho sekkho dhammo uppajjati naadhipatipaccayā—sekkhe khandhe saṁsaṭṭho sekkho adhipati.
141 Asekkhaṁ dhammaṁ saṁsaṭṭho asekkho dhammo uppajjati naadhipatipaccayā—asekkhe khandhe saṁsaṭṭho asekkho adhipati.
142 Nevasekkhanāsekkhaṁ dhammaṁ saṁsaṭṭho nevasekkhanāsekkho dhammo uppajjati naadhipatipaccayā. (Paripuṇṇaṁ, ekaṁ.)
144 Sekkhaṁ dhammaṁ saṁsaṭṭho sekkho dhammo uppajjati napurejātapaccayā … napacchājātapaccayā … naāsevanapaccayā … nakammapaccayā (dve kātabbā) … navipākapaccayā (dve kātabbā) … najhānapaccayā … namaggapaccayā … navippayuttapaccayā …pe….
146 Nahetuyā ekaṁ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṁ, namagge ekaṁ, navippayutte tīṇi. (Evaṁ gaṇetabbaṁ.)
148 1.12.5.3. Paccayānulomapaccanīya
149 Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi. (Evaṁ gaṇetabbaṁ.)
151 1.12.5.4. Paccayapaccanīyānuloma
152 Nahetupaccayā ārammaṇe ekaṁ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṁ. (Evaṁ gaṇetabbaṁ.)
153 Paccanīyānulomaṁ. Saṁsaṭṭhavāro.
154 1.12.6. Sampayuttavāra
155 Sampayuttavāro saṁsaṭṭhavārasadiso.
156 1.12.7. Pañhāvāra 1.12.7.1. Paccayānuloma Vibhaṅgavāra Hetu
157 Sekkho dhammo sekkhassa dhammassa hetupaccayena paccayo—sekkhā hetū sampayuttakānaṁ khandhānaṁ hetupaccayena paccayo.
158 Sekkho dhammo nevasekkhanāsekkhassa dhammassa hetupaccayena paccayo—sekkhā hetū cittasamuṭṭhānānaṁ rūpānaṁ hetupaccayena paccayo.
159 Sekkho dhammo sekkhassa ca nevasekkhanāsekkhassa ca dhammassa hetupaccayena paccayo—sekkhā hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena paccayo.
160 Asekkho dhammo asekkhassa dhammassa. (Tīṇi.)
161 Nevasekkhanāsekkho dhammo nevasekkhanāsekkhassa dhammassa hetupaccayena paccayo—nevasekkhanāsekkhā hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena paccayo. Paṭisandhikkhaṇe …pe….
163 Sekkho dhammo nevasekkhanāsekkhassa dhammassa ārammaṇapaccayena paccayo—ariyā maggā vuṭṭhahitvā maggaṁ paccavekkhanti, sekkhaṁ phalaṁ paccavekkhanti, cetopariyañāṇena sekkhacittasamaṅgissa cittaṁ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.
164 Asekkho dhammo nevasekkhanāsekkhassa dhammassa ārammaṇapaccayena paccayo— arahā asekkhaṁ phalaṁ paccavekkhati, cetopariyañāṇena asekkhacittasamaṅgissa cittaṁ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.
165 Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo—dānaṁ datvā sīlaṁ samādiyitvā uposathakammaṁ katvā taṁ paccavekkhati, pubbe suciṇṇāni …pe… jhānā vuṭṭhahitvā jhānaṁ paccavekkhati, ariyā nibbānaṁ paccavekkhanti. Nibbānaṁ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṁ aniccato dukkhato anattato vipassanti, assādenti abhinandanti, taṁ ārabbha rāgo uppajjati …pe… domanassaṁ uppajjati, sotaṁ …pe… vatthuṁ nevasekkhanāsekkhe khandhe aniccato dukkhato anattato vipassanti, assādenti …pe… domanassaṁ uppajjati, dibbena cakkhunā rūpaṁ passati, dibbāya sotadhātuyā saddaṁ suṇāti, cetopariyañāṇena nevasekkhanāsekkhacittasamaṅgissa cittaṁ jānāti, ākāsānañcāyatanaṁ viññāṇañcāyatanassa …pe… ākiñcaññāyatanaṁ nevasaññānāsaññāyatanassa ārammaṇapaccayena paccayo. Rūpāyatanaṁ cakkhuviññāṇassa …pe… phoṭṭhabbāyatanaṁ kāyaviññāṇassa …pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṁsañāṇassa, āvajjanāya ārammaṇapaccayena paccayo.
166 Nevasekkhanāsekkho dhammo sekkhassa dhammassa ārammaṇapaccayena paccayo— nibbānaṁ maggassa, sekkhassa phalassa ārammaṇapaccayena paccayo.
167 Nevasekkhanāsekkho dhammo asekkhassa dhammassa ārammaṇapaccayena paccayo— nibbānaṁ asekkhassa phalassa ārammaṇapaccayena paccayo.
169 Sekkho dhammo sekkhassa dhammassa adhipatipaccayena paccayo. Sahajātādhipati—sekkhādhipati sampayuttakānaṁ khandhānaṁ adhipatipaccayena paccayo.
170 Sekkho dhammo nevasekkhanāsekkhassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—ariyā maggā vuṭṭhahitvā maggaṁ garuṁ katvā paccavekkhanti, sekkhaṁ phalaṁ garuṁ katvā paccavekkhanti. Sahajātādhipati—sekkhādhipati cittasamuṭṭhānānaṁ rūpānaṁ adhipatipaccayena paccayo.
171 Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati—sekkhādhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena paccayo.
172 Asekkho dhammo asekkhassa dhammassa adhipatipaccayena paccayo. Sahajātādhipati—asekkhādhipati sampayuttakānaṁ khandhānaṁ adhipatipaccayena paccayo.
173 Asekkho dhammo nevasekkhanāsekkhassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—arahā asekkhaṁ phalaṁ garuṁ katvā paccavekkhati. Sahajātādhipati—asekkhādhipati cittasamuṭṭhānānaṁ rūpānaṁ adhipatipaccayena paccayo.
174 Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati—asekkhādhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena paccayo.
175 Nevasekkhanāsekkho dhammo nevasekkhanāsekkhassa dhammassa adhipatipaccayena paccayo—ārammaṇādhipati, sahajātādhipati. Ārammaṇādhipati—dānaṁ datvā sīlaṁ samādiyitvā uposathakammaṁ katvā taṁ garuṁ katvā paccavekkhati, pubbe suciṇṇāni garuṁ katvā paccavekkhati, jhānā vuṭṭhahitvā jhānaṁ garuṁ katvā paccavekkhati, ariyā nibbānaṁ garuṁ katvā paccavekkhanti, nibbānaṁ gotrabhussa, vodānassa adhipatipaccayena paccayo. Cakkhuṁ garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati. Sotaṁ …pe… vatthuṁ nevasekkhanāsekkhe khandhe garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati. Sahajātādhipati—nevasekkhanāsekkhādhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena paccayo.
176 Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati—nibbānaṁ maggassa, sekkhassa phalassa adhipatipaccayena paccayo.
177 Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati—nibbānaṁ asekkhassa phalassa adhipatipaccayena paccayo.
179 Sekkho dhammo sekkhassa dhammassa anantarapaccayena paccayo—purimā purimā sekkhā khandhā pacchimānaṁ pacchimānaṁ sekkhānaṁ khandhānaṁ anantarapaccayena paccayo. Maggo sekkhassa phalassa … sekkhaṁ phalaṁ sekkhassa phalassa anantarapaccayena paccayo.
180 Sekkho dhammo asekkhassa dhammassa anantarapaccayena paccayo—maggo asekkhassa phalassa anantarapaccayena paccayo.
181 Sekkho dhammo nevasekkhanāsekkhassa dhammassa anantarapaccayena paccayo— sekkhaṁ phalaṁ vuṭṭhānassa anantarapaccayena paccayo.
182 Asekkho dhammo asekkhassa dhammassa anantarapaccayena paccayo—purimā purimā asekkhā khandhā pacchimānaṁ pacchimānaṁ asekkhānaṁ khandhānaṁ anantarapaccayena paccayo. Asekkhaṁ phalaṁ asekkhassa phalassa anantarapaccayena paccayo.
183 Asekkho dhammo nevasekkhanāsekkhassa dhammassa anantarapaccayena paccayo— asekkhaṁ phalaṁ vuṭṭhānassa anantarapaccayena paccayo.
184 Nevasekkhanāsekkho dhammo nevasekkhanāsekkhassa dhammassa anantarapaccayena paccayo—purimā purimā nevasekkhanāsekkhā khandhā pacchimānaṁ pacchimānaṁ nevasekkhanāsekkhānaṁ khandhānaṁ …pe… anulomaṁ gotrabhussa … anulomaṁ vodānassa … āvajjanā nevasekkhanāsekkhānaṁ khandhānaṁ anantarapaccayena paccayo.
185 Nevasekkhanāsekkho dhammo sekkhassa dhammassa anantarapaccayena paccayo— gotrabhu maggassa … vodānaṁ maggassa … anulomaṁ sekkhāya phalasamāpattiyā … nirodhā vuṭṭhahantassa nevasaññānāsaññāyatanakusalaṁ sekkhāya phalasamāpattiyā anantarapaccayena paccayo.
186 Nevasekkhanāsekkho dhammo asekkhassa dhammassa anantarapaccayena paccayo— anulomaṁ asekkhāya phalasamāpattiyā … nirodhā vuṭṭhahantassa nevasaññānāsaññāyatanakiriyaṁ asekkhāya phalasamāpattiyā anantarapaccayena paccayo.
188 Sekkho dhammo sekkhassa dhammassa samanantarapaccayena paccayo …pe…. (Anantarasadisaṁ, aṭṭha pañhā.)
190 Sekkho dhammo sekkhassa dhammassa sahajātapaccayena paccayo …pe… (paṭiccavāre sahajātasadisaṁ, nava pañhā) aññamaññapaccayena paccayo. (Paṭiccavāre aññamaññasadisaṁ, tīṇi. Nissayapaccaye kusalattike nissayapaccayasadisaṁ, terasa pañhā.)
192 Sekkho dhammo sekkhassa dhammassa upanissayapaccayena paccayo— anantarūpanissayo, pakatūpanissayo …pe…. Pakatūpanissayo—paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo.
193 Sekkho dhammo asekkhassa dhammassa upanissayapaccayena paccayo— anantarūpanissayo, pakatūpanissayo …pe…. Pakatūpanissayo—maggo asekkhāya phalasamāpattiyā upanissayapaccayena paccayo.
194 Sekkho dhammo nevasekkhanāsekkhassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—ariyā maggaṁ upanissāya anuppannaṁ kusalasamāpattiṁ uppādenti, uppannaṁ samāpajjanti, saṅkhāre aniccato …pe… vipassanti, maggo ariyānaṁ atthappaṭisambhidāya …pe… paṭibhānappaṭisambhidāya … ṭhānāṭhānakosallassa upanissayapaccayena paccayo. Sekkhā phalasamāpatti kāyikassa sukhassa upanissayapaccayena paccayo.
195 Asekkho dhammo asekkhassa dhammassa upanissayapaccayena paccayo. Anantarūpanissayo—purimā purimā asekkhā khandhā pacchimānaṁ pacchimānaṁ asekkhānaṁ khandhānaṁ …pe… asekkhaṁ phalaṁ asekkhassa phalassa upanissayapaccayena paccayo.
196 Asekkho dhammo nevasekkhanāsekkhassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—asekkhā phalasamāpatti kāyikassa sukhassa upanissayapaccayena paccayo.
197 Nevasekkhanāsekkho dhammo nevasekkhanāsekkhassa dhammassa upanissayapaccayena paccayo—ārammaṇūpanissayo, anantarūpanissayo, pakatūpanissayo …pe…. Pakatūpanissayo—nevasekkhanāsekkhaṁ saddhaṁ upanissāya dānaṁ deti. Sīlaṁ …pe… uposathakammaṁ …pe… jhānaṁ …pe… vipassanaṁ …pe… abhiññaṁ …pe… samāpattiṁ uppādeti, mānaṁ jappeti, diṭṭhiṁ gaṇhāti. Nevasekkhanāsekkhaṁ sīlaṁ …pe… paññaṁ … rāgaṁ …pe… patthanaṁ … kāyikaṁ sukhaṁ …pe… utuṁ … bhojanaṁ … senāsanaṁ upanissāya dānaṁ deti, sīlaṁ …pe… samāpattiṁ uppādeti, pāṇaṁ hanati …pe… saṅghaṁ bhindati. Nevasekkhanāsekkhā saddhā …pe… paññā, rāgo …pe… patthanā, kāyikaṁ sukhaṁ …pe… senāsanaṁ nevasekkhanāsekkhāya saddhāya …pe… paññāya, rāgassa …pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṁ paṭhamassa jhānassa upanissayapaccayena paccayo …pe… nevasaññānāsaññāyatanassa parikammaṁ nevasaññānāsaññāyatanassa …pe… paṭhamaṁ jhānaṁ dutiyassa jhānassa upanissayapaccayena paccayo …pe… ākiñcaññāyatanaṁ nevasaññānāsaññāyatanassa upanissayapaccayena paccayo.
198 Nevasekkhanāsekkho dhammo sekkhassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—paṭhamassa maggassa parikammaṁ paṭhamassa maggassa upanissayapaccayena paccayo …pe… catutthassa maggassa parikammaṁ catutthassa maggassa upanissayapaccayena paccayo.
199 Nevasekkhanāsekkho dhammo asekkhassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—kāyikaṁ sukhaṁ … kāyikaṁ dukkhaṁ … utuṁ … bhojanaṁ … senāsanaṁ asekkhāya phalasamāpattiyā upanissayapaccayena paccayo.
201 Nevasekkhanāsekkho dhammo nevasekkhanāsekkhassa dhammassa purejātapaccayena paccayo—ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ aniccato …pe… vipassati, assādeti abhinandati; taṁ ārabbha rāgo uppajjati …pe… domanassaṁ uppajjati. Sotaṁ …pe… vatthuṁ aniccato dukkhato anattato vipassati …pe… domanassaṁ uppajjati, dibbena cakkhunā rūpaṁ passati, dibbāya sotadhātuyā saddaṁ suṇāti, rūpāyatanaṁ cakkhuviññāṇassa …pe… phoṭṭhabbāyatanaṁ kāyaviññāṇassa purejātapaccayena paccayo. Vatthupurejātaṁ—cakkhāyatanaṁ cakkhuviññāṇassa …pe… kāyāyatanaṁ kāyaviññāṇassa, vatthu nevasekkhanāsekkhānaṁ khandhānaṁ purejātapaccayena paccayo.
202 Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṁ—vatthu sekkhānaṁ khandhānaṁ purejātapaccayena paccayo.
203 Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṁ—vatthu asekkhānaṁ khandhānaṁ purejātapaccayena paccayo.
205 Sekkho dhammo nevasekkhanāsekkhassa dhammassa pacchājātapaccayena paccayo— pacchājātā sekkhā khandhā purejātassa imassa kāyassa pacchājātapaccayena paccayo.
206 Asekkho dhammo nevasekkhanāsekkhassa dhammassa pacchājātapaccayena paccayo— pacchājātā asekkhā khandhā purejātassa imassa kāyassa pacchājātapaccayena paccayo.
207 Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo—pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo.
209 Nevasekkhanāsekkho dhammo nevasekkhanāsekkhassa dhammassa āsevanapaccayena paccayo—purimā purimā nevasekkhanāsekkhā khandhā pacchimānaṁ pacchimānaṁ nevasekkhanāsekkhānaṁ khandhānaṁ āsevanapaccayena paccayo. Anulomaṁ gotrabhussa … anulomaṁ vodānassa āsevanapaccayena paccayo.
210 Nevasekkhanāsekkho dhammo sekkhassa dhammassa āsevanapaccayena paccayo— gotrabhu maggassa … vodānaṁ maggassa āsevanapaccayena paccayo.
212 Sekkho dhammo sekkhassa dhammassa kammapaccayena paccayo—sahajātā, nānākkhaṇikā. Sahajātā—sekkhā cetanā sampayuttakānaṁ khandhānaṁ kammapaccayena paccayo. Nānākkhaṇikā—sekkhā cetanā vipākānaṁ sekkhānaṁ khandhānaṁ kammapaccayena paccayo.
213 Sekkho dhammo asekkhassa dhammassa kammapaccayena paccayo. Nānākkhaṇikā—sekkhā cetanā asekkhānaṁ khandhānaṁ kammapaccayena paccayo.
214 Sekkho dhammo nevasekkhanāsekkhassa dhammassa kammapaccayena paccayo. Sahajātā—sekkhā cetanā cittasamuṭṭhānānaṁ rūpānaṁ kammapaccayena paccayo.
215 Sekkho dhammo sekkhassa ca nevasekkhanāsekkhassa ca dhammassa kammapaccayena paccayo—sekkhā cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena paccayo.
216 Asekkho dhammo asekkhassa dhammassa kammapaccayena paccayo—asekkhā cetanā sampayuttakānaṁ khandhānaṁ kammapaccayena paccayo.
217 Asekkho dhammo nevasekkhanāsekkhassa dhammassa kammapaccayena paccayo—asekkhā cetanā cittasamuṭṭhānānaṁ rūpānaṁ kammapaccayena paccayo.
218 Asekkho dhammo asekkhassa ca nevasekkhanāsekkhassa ca dhammassa kammapaccayena paccayo—asekkhā cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena paccayo.
219 Nevasekkhanāsekkho dhammo nevasekkhanāsekkhassa dhammassa kammapaccayena paccayo—sahajātā, nānākkhaṇikā. Sahajātā—nevasekkhanāsekkhā cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena paccayo. Paṭisandhikkhaṇe …pe…. Nānākkhaṇikā—nevasekkhanāsekkhā cetanā vipākānaṁ nevasekkhanāsekkhānaṁ khandhānaṁ kaṭattā ca rūpānaṁ kammapaccayena paccayo.
221 Sekkho dhammo sekkhassa dhammassa vipākapaccayena paccayo—vipāko sekkho eko khandho tiṇṇannaṁ khandhānaṁ …pe…. (Sekkhamūlake tīṇi.)
222 Asekkho dhammo asekkhassa dhammassa vipākapaccayena paccayo—asekkho eko khandho tiṇṇannaṁ khandhānaṁ …pe…. (Asekkhamūlake tīṇi.)
223 Nevasekkhanāsekkho dhammo nevasekkhanāsekkhassa dhammassa vipākapaccayena paccayo—vipāko nevasekkhanāsekkho eko khandho tiṇṇannaṁ khandhānaṁ …pe… paṭisandhikkhaṇe …pe… khandhā vatthussa vipākapaccayena paccayo.
225 Sekkho dhammo sekkhassa dhammassa āhārapaccayena paccayo … indriyapaccayena paccayo … jhānapaccayena paccayo … maggapaccayena paccayo … sampayuttapaccayena paccayo …pe….
227 Sekkho dhammo nevasekkhanāsekkhassa dhammassa vippayuttapaccayena paccayo— sahajātaṁ, pacchājātaṁ. Sahajātā—sekkhā khandhā cittasamuṭṭhānānaṁ rūpānaṁ vippayuttapaccayena paccayo. Pacchājātā—sekkhā khandhā purejātassa imassa kāyassa vippayuttapaccayena paccayo.
228 Asekkho dhammo nevasekkhanāsekkhassa dhammassa vippayuttapaccayena paccayo— sahajātaṁ, pacchājātaṁ. (Sekkhasadisaṁ.)
229 Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo—sahajātaṁ, purejātaṁ, pacchājātaṁ. Sahajātā—nevasekkhanāsekkhā khandhā cittasamuṭṭhānānaṁ rūpānaṁ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṁ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṁ vippayuttapaccayena paccayo. Purejātaṁ—cakkhāyatanaṁ cakkhuviññāṇassa …pe… kāyāyatanaṁ kāyaviññāṇassa, vatthu nevasekkhanāsekkhānaṁ khandhānaṁ vippayuttapaccayena paccayo. Pacchājātā—nevasekkhanāsekkhā khandhā purejātassa imassa kāyassa vippayuttapaccayena paccayo.
230 Nevasekkhanāsekkho dhammo sekkhassa dhammassa vippayuttapaccayena paccayo. Purejātaṁ—vatthu sekkhānaṁ khandhānaṁ vippayuttapaccayena paccayo.
231 Nevasekkhanāsekkho dhammo asekkhassa dhammassa vippayuttapaccayena paccayo. Purejātaṁ—vatthu asekkhānaṁ khandhānaṁ vippayuttapaccayena paccayo.
233 Sekkho dhammo sekkhassa dhammassa atthipaccayena paccayo—sekkho eko khandho tiṇṇannaṁ khandhānaṁ …pe….
234 Sekkho dhammo nevasekkhanāsekkhassa dhammassa atthipaccayena paccayo— sahajātaṁ, pacchājātaṁ. Sahajātā—sekkhā khandhā cittasamuṭṭhānānaṁ rūpānaṁ atthipaccayena paccayo. Pacchājātā—sekkhā khandhā purejātassa imassa kāyassa atthipaccayena paccayo.
235 Sekkho dhammo sekkhassa ca nevasekkhanāsekkhassa ca dhammassa atthipaccayena paccayo—sekkho eko khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo …pe… dve khandhā …pe….
236 Asekkho dhammo asekkhassa dhammassa atthipaccayena paccayo …pe… tīṇi. (Sekkhasadisaṁ.)
237 Nevasekkhanāsekkho dhammo nevasekkhanāsekkhassa dhammassa atthipaccayena paccayo—sahajātaṁ, purejātaṁ, pacchājātaṁ, āhāraṁ, indriyaṁ. Sahajāto—nevasekkhanāsekkho eko khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo …pe… dve khandhā …pe… paṭisandhikkhaṇe …pe… khandhā vatthussa atthipaccayena paccayo. Vatthu khandhānaṁ atthipaccayena paccayo, ekaṁ mahābhūtaṁ …pe… bāhiraṁ …pe… asaññasattānaṁ …pe…. Purejātaṁ—cakkhuṁ aniccato dukkhato anattato vipassati; assādeti abhinandati; taṁ ārabbha rāgo uppajjati …pe… domanassaṁ uppajjati. Sotaṁ …pe… vatthuṁ aniccato …pe… vipassati, dibbena cakkhunā rūpaṁ passati, dibbāya sotadhātuyā saddaṁ suṇāti, rūpāyatanaṁ cakkhuviññāṇassa …pe… phoṭṭhabbāyatanaṁ kāyaviññāṇassa …pe… cakkhāyatanaṁ cakkhuviññāṇassa …pe… kāyāyatanaṁ kāyaviññāṇassa … vatthu nevasekkhanāsekkhānaṁ khandhānaṁ atthipaccayena paccayo. Pacchājātā—nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro—imassa kāyassa atthipaccayena paccayo. Rūpajīvitindriyaṁ—kaṭattārūpānaṁ atthipaccayena paccayo.
238 Nevasekkhanāsekkho dhammo sekkhassa dhammassa atthipaccayena paccayo. Purejātaṁ—vatthu sekkhānaṁ khandhānaṁ atthipaccayena paccayo.
239 Nevasekkhanāsekkho dhammo asekkhassa dhammassa atthipaccayena paccayo. Purejātaṁ—vatthu asekkhānaṁ khandhānaṁ atthipaccayena paccayo.
240 Sekkho ca nevasekkhanāsekkho ca dhammā sekkhassa dhammassa atthipaccayena paccayo—sahajātaṁ, purejātaṁ. Sahajāto—sekkho eko khandho ca vatthu ca tiṇṇannaṁ khandhānaṁ atthipaccayena paccayo …pe… dve khandhā …pe….
241 Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo—sahajātaṁ, pacchājātaṁ, āhāraṁ, indriyaṁ. Sahajātā—sekkhā khandhā ca mahābhūtā ca cittasamuṭṭhānānaṁ rūpānaṁ atthipaccayena paccayo. Pacchājātā—sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā—sekkhā khandhā ca rūpajīvitindriyañca kaṭattārūpānaṁ atthipaccayena paccayo.
242 Asekkho ca nevasekkhanāsekkho ca dhammā asekkhassa dhammassa atthipaccayena paccayo …pe…. (Dve pañhā kātabbā, sekkhasadisā.)
244 Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa. (Evaṁ gaṇetabbaṁ.)
247 Sekkho dhammo sekkhassa dhammassa sahajātapaccayena paccayo … upanissayapaccayena paccayo.
248 Sekkho dhammo asekkhassa dhammassa upanissayapaccayena paccayo.
249 Sekkho dhammo nevasekkhanāsekkhassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo.
250 Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo.
251 Asekkho dhammo asekkhassa dhammassa sahajātapaccayena paccayo … upanissayapaccayena paccayo.
252 Asekkho dhammo nevasekkhanāsekkhassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo.
253 Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo.
254 Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo.
255 Nevasekkhanāsekkho dhammo sekkhassa dhammassa upanissayapaccayena paccayo … purejātapaccayena paccayo.
256 Nevasekkhanāsekkho dhammo asekkhassa dhammassa upanissayapaccayena paccayo … purejātapaccayena paccayo.
257 Sekkho ca nevasekkhanāsekkho ca dhammā sekkhassa dhammassa sahajātaṁ, purejātaṁ.
258 Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṁ, pacchājātaṁ, āhāraṁ, indriyaṁ.
259 Asekkho ca nevasekkhanāsekkho ca dhammā asekkhassa dhammassa sahajātaṁ, purejātaṁ.
260 Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṁ, pacchājātaṁ, āhāraṁ, indriyaṁ.
261 1.12.7.2. Paccayapaccanīya Saṅkhyāvāra Suddha
262 Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa, naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha. (Evaṁ gaṇetabbaṁ.)
264 1.12.7.3. Paccayānulomapaccanīya Hetuduka
265 Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta. (Evaṁ gaṇetabbaṁ.)
267 1.12.7.4. Paccayapaccanīyānuloma Nahetuduka
268 Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa. (Evaṁ gaṇetabbaṁ.)
269 Paccanīyānulomaṁ. Pañhāvāro.
270 Sekkhattikaṁ niṭṭhitaṁ.
