Pāli Pali Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
1 Sappaṭighaṁ dhammaṁ paṭicca nasappaṭigho dhammo uppajjati hetupaccayā. Sappaṭighaṁ dhammaṁ paṭicca naappaṭigho dhammo uppajjati hetupaccayā. Sappaṭighaṁ dhammaṁ paṭicca nasappaṭigho ca naappaṭigho ca dhammā uppajjanti hetupaccayā.
2 Appaṭighaṁ dhammaṁ paṭicca naappaṭigho dhammo uppajjati hetupaccayā. Appaṭighaṁ dhammaṁ paṭicca nasappaṭigho dhammo uppajjati hetupaccayā. Appaṭighaṁ dhammaṁ paṭicca nasappaṭigho ca naappaṭigho ca dhammā uppajjanti hetupaccayā.
3 Sappaṭighañca appaṭighañca dhammaṁ paṭicca nasappaṭigho dhammo uppajjati hetupaccayā. Sappaṭighañca appaṭighañca dhammaṁ paṭicca naappaṭigho dhammo uppajjati hetupaccayā. Sappaṭighañca appaṭighañca dhammaṁ paṭicca nasappaṭigho ca naappaṭigho ca dhammā uppajjanti hetupaccayā. (Saṅkhittaṁ.)
4 Hetuyā nava, ārammaṇe ekaṁ …pe… aññamaññe cha …pe… avigate nava. (Sabbattha vitthāro.)