Pāli Pali Pāli only: every English translation of the Abhidhamma is still under copyright, so no English can be shown yet. A free translation will be added if one becomes available.
1 4.8.2.1. Saraṇapada Paccayacatukka
2 Sukhāya vedanāya sampayuttaṁ saraṇaṁ dhammaṁ paṭicca sukhāya vedanāya sampayutto saraṇo dhammo uppajjati hetupaccayā.
3 Dukkhāya vedanāya sampayuttaṁ saraṇaṁ dhammaṁ paṭicca dukkhāya vedanāya sampayutto saraṇo dhammo uppajjati hetupaccayā.
4 Adukkhamasukhāya vedanāya sampayuttaṁ saraṇaṁ dhammaṁ paṭicca adukkhamasukhāya vedanāya sampayutto saraṇo dhammo uppajjati hetupaccayā. (Saṅkhittaṁ.)
5 Hetuyā tīṇi …pe… avigate tīṇi. (Saṅkhittaṁ.)
6 (Sahajātavārampi …pe… sampayuttavārampi paṭiccavārasadisaṁ.)
7 Sukhāya vedanāya sampayutto saraṇo dhammo sukhāya vedanāya sampayuttassa saraṇassa dhammassa hetupaccayena paccayo.
8 Dukkhāya vedanāya sampayutto saraṇo dhammo dukkhāya vedanāya sampayuttassa saraṇassa dhammassa hetupaccayena paccayo.
9 Adukkhamasukhāya vedanāya sampayutto saraṇo dhammo adukkhamasukhāya vedanāya sampayuttassa saraṇassa dhammassa hetupaccayena paccayo. (Saṅkhittaṁ.)
10 Hetuyā tīṇi, ārammaṇe nava, adhipatiyā pañca, anantare …pe… nissaye tīṇi, upanissaye nava, āsevane tīṇi …pe… avigate tīṇi. (Saṅkhittaṁ. Yathā kusalattike pañhāvāraṁ, evaṁ vitthāretabbaṁ.)
11 4.8.2.2. Araṇapada Hetu
12 Sukhāya vedanāya sampayuttaṁ araṇaṁ dhammaṁ paṭicca sukhāya vedanāya sampayutto araṇo dhammo uppajjati hetupaccayā.
13 Adukkhamasukhāya vedanāya sampayuttaṁ araṇaṁ dhammaṁ paṭicca adukkhamasukhāya vedanāya sampayutto araṇo dhammo uppajjati hetupaccayā. (Saṅkhittaṁ.)
14 Hetuyā dve, ārammaṇe tīṇi, adhipatiyā dve …pe… āsevane dve …pe… jhāne magge dve …pe… avigate tīṇi. (Saṅkhittaṁ.)
15 (Sahajātavārampi …pe… sampayuttavārampi paṭiccavārasadisaṁ.)
16 Sukhāya vedanāya sampayutto araṇo dhammo sukhāya vedanāya sampayuttassa araṇassa dhammassa hetupaccayena paccayo.
17 Adukkhamasukhāya vedanāya sampayutto araṇo dhammo adukkhamasukhāya vedanāya sampayuttassa araṇassa dhammassa hetupaccayena paccayo. (Saṅkhittaṁ.)
18 Hetuyā dve, ārammaṇe cha, adhipatiyā cattāri, anantare samanantare satta, sahajāte aññamaññe nissaye tīṇi, upanissaye nava, āsevane dve, kamme pañca, vipāke āhāre indriye tīṇi, jhāne magge dve, sampayutte tīṇi …pe… avigate tīṇi. (Saṅkhittaṁ.)
19 (Yathā kusalattike pañhāvāraṁ, evaṁ vitthāretabbaṁ.)
20 4.8.3. Vipākattika, Saraṇaduka
21 Vipākadhammadhammaṁ saraṇaṁ dhammaṁ paṭicca vipākadhammadhammo saraṇo dhammo uppajjati hetupaccayā. (Saṅkhittaṁ.)
22 Hetuyā ekaṁ …pe… avigate ekaṁ. (Saṅkhittaṁ.)
23 (Sahajātavārepi …pe… pañhāvārepi sabbattha ekaṁ.)
24 Vipākaṁ araṇaṁ dhammaṁ paṭicca vipāko araṇo dhammo uppajjati hetupaccayā … tīṇi.
25 Vipākadhammadhammaṁ araṇaṁ dhammaṁ paṭicca vipākadhammadhammo araṇo dhammo uppajjati hetupaccayā … tīṇi.
26 Nevavipākanavipākadhammadhammaṁ araṇaṁ dhammaṁ paṭicca nevavipākanavipākadhammadhammo araṇo dhammo uppajjati hetupaccayā … tīṇi.
27 Vipākaṁ araṇañca nevavipākanavipākadhammadhammaṁ araṇañca dhammaṁ paṭicca vipāko araṇo dhammo uppajjati hetupaccayā … tīṇi.
28 Vipākadhammadhammaṁ araṇañca nevavipākanavipākadhammadhammaṁ araṇañca dhammaṁ paṭicca nevavipākanavipākadhammadhammo araṇo dhammo uppajjati hetupaccayā. (Saṅkhittaṁ.)
29 Hetuyā terasa, ārammaṇe pañca, adhipatiyā nava …pe… purejāte tīṇi, āsevane dve …pe… vipāke nava …pe… avigate terasa. (Saṅkhittaṁ.)
30 (Sahajātavārampi …pe… sampayuttavārampi paṭiccavārasadisaṁ.)
31 Vipāko araṇo dhammo vipākassa araṇassa dhammassa hetupaccayena paccayo … tīṇi.
32 Vipākadhammadhammo araṇo dhammo vipākadhammadhammassa araṇassa dhammassa hetupaccayena paccayo … tīṇi.
33 Nevavipākanavipākadhammadhammo araṇo dhammo nevavipākanavipākadhammadhammassa araṇassa dhammassa hetupaccayena paccayo. (Saṅkhittaṁ.)
34 Hetuyā satta, ārammaṇe nava, adhipatiyā dasa …pe… sahajāte ekādasa, aññamaññe satta …pe… āsevane dve, kamme nava, vipāke tīṇi …pe… indriye nava …pe… avigate terasa. (Saṅkhittaṁ.)
35 (Yathā kusalattike pañhāvāraṁ, evaṁ vitthāretabbaṁ.)
36 4.8.4. Upādinnattika, Saraṇaduka Hetu
37 Anupādinnupādāniyaṁ saraṇaṁ dhammaṁ paṭicca anupādinnupādāniyo saraṇo dhammo uppajjati hetupaccayā. (Saṅkhittaṁ.)
38 Hetuyā ekaṁ …pe… avigate ekaṁ. (Saṅkhittaṁ.)
39 (Sahajātavārepi …pe… pañhāvārepi sabbattha ekaṁ.)
40 Upādinnupādāniyaṁ araṇaṁ dhammaṁ paṭicca upādinnupādāniyo araṇo dhammo uppajjati hetupaccayā … tīṇi.
41 Anupādinnupādāniyaṁ araṇaṁ dhammaṁ paṭicca anupādinnupādāniyo araṇo dhammo uppajjati hetupaccayā.
42 Anupādinnaanupādāniyaṁ araṇaṁ dhammaṁ paṭicca anupādinnaanupādāniyo araṇo dhammo uppajjati hetupaccayā … tīṇi.
43 Upādinnupādāniyaṁ araṇañca anupādinnupādāniyaṁ araṇañca dhammaṁ paṭicca anupādinnupādāniyo araṇo dhammo uppajjati hetupaccayā.
44 Anupādinnupādāniyaṁ araṇañca anupādinnaanupādāniyaṁ araṇañca dhammaṁ paṭicca anupādinnupādāniyo araṇo dhammo uppajjati hetupaccayā. (Saṅkhittaṁ.)
45 Hetuyā nava, ārammaṇe tīṇi, adhipatiyā pañca …pe… āsevane dve …pe… vipāke nava …pe… avigate nava. (Saṅkhittaṁ.)
46 (Sahajātavārampi …pe… sampayuttavārampi paṭiccavārasadisaṁ.)
47 Upādinnupādāniyo araṇo dhammo upādinnupādāniyassa araṇassa dhammassa hetupaccayena paccayo … tīṇi.
48 Anupādinnupādāniyo araṇo dhammo anupādinnupādāniyassa araṇassa dhammassa hetupaccayena paccayo.
49 Anupādinnaanupādāniyo araṇo dhammo anupādinnaanupādāniyassa araṇassa dhammassa hetupaccayena paccayo … tīṇi. (Saṅkhittaṁ.)
50 Hetuyā satta, ārammaṇe cha, adhipatiyā pañca …pe… nissaye ekādasa, upanissaye nava, purejāte satta, pacchājāte nava, āsevane dve, kamme aṭṭha, vipāke cha, āhāre dvādasa, indriye jhāne magge satta, sampayutte tīṇi, vippayutte dasa …pe… avigate tevīsa. (Saṅkhittaṁ.)
51 (Yathā kusalattike pañhāvāraṁ, evaṁ vitthāretabbaṁ.)
52 4.8.5. Saṅkiliṭṭhattika, Saraṇaduka Hetu
53 Saṅkiliṭṭhasaṅkilesikaṁ saraṇaṁ dhammaṁ paṭicca saṅkiliṭṭhasaṅkilesiko saraṇo dhammo uppajjati hetupaccayā. (Saṅkhittaṁ.)
54 Hetuyā ekaṁ …pe… avigate ekaṁ. (Saṅkhittaṁ.)
55 (Sahajātavārepi …pe… pañhāvārepi sabbattha ekaṁ.)
56 Asaṅkiliṭṭhasaṅkilesikaṁ araṇaṁ dhammaṁ paṭicca asaṅkiliṭṭhasaṅkilesiko araṇo dhammo uppajjati hetupaccayā.
57 Asaṅkiliṭṭhaasaṅkilesikaṁ araṇaṁ dhammaṁ paṭicca asaṅkiliṭṭhaasaṅkilesiko araṇo dhammo uppajjati hetupaccayā … tīṇi.
58 Asaṅkiliṭṭhasaṅkilesikaṁ araṇañca asaṅkiliṭṭhaasaṅkilesikaṁ araṇañca dhammaṁ paṭicca asaṅkiliṭṭhasaṅkilesiko araṇo dhammo uppajjati hetupaccayā. (Saṅkhittaṁ.)
59 Hetuyā pañca, ārammaṇe dve …pe… avigate pañca. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.)
60 Asaṅkiliṭṭhasaṅkilesiko araṇo dhammo asaṅkiliṭṭhasaṅkilesikassa araṇassa dhammassa hetupaccayena paccayo.
61 Asaṅkiliṭṭhaasaṅkilesiko araṇo dhammo asaṅkiliṭṭhaasaṅkilesikassa araṇassa dhammassa hetupaccayena paccayo … tīṇi. (Saṅkhittaṁ.)
62 Hetuyā cattāri, ārammaṇe tīṇi, adhipatiyā …pe… samanantare cattāri, sahajāte pañca, aññamaññe dve, nissaye satta, upanissaye cattāri, purejāte pacchājāte āsevane dve, kamme …pe… magge cattāri, sampayutte dve, vippayutte tīṇi …pe… avigate satta. (Saṅkhittaṁ.)
63 (Yathā kusalattike pañhāvāraṁ, evaṁ vitthāretabbaṁ.)
64 4.8.6. Vitakkattika, Saraṇaduka Hetu
65 Savitakkasavicāraṁ saraṇaṁ dhammaṁ paṭicca savitakkasavicāro saraṇo dhammo uppajjati hetupaccayā. Savitakkasavicāraṁ saraṇaṁ dhammaṁ paṭicca avitakkavicāramatto saraṇo dhammo uppajjati hetupaccayā. Savitakkasavicāraṁ saraṇaṁ dhammaṁ paṭicca savitakkasavicāro saraṇo ca avitakkavicāramatto saraṇo ca dhammā uppajjanti hetupaccayā.
66 Avitakkavicāramattaṁ saraṇaṁ dhammaṁ paṭicca savitakkasavicāro saraṇo dhammo uppajjati hetupaccayā.
67 Savitakkasavicāraṁ saraṇañca avitakkavicāramattaṁ saraṇañca dhammaṁ paṭicca savitakkasavicāro saraṇo dhammo uppajjati hetupaccayā. (Saṅkhittaṁ.)
68 Hetuyā pañca …pe… avigate pañca. (Saṅkhittaṁ.)
69 (Sahajātavārepi …pe… pañhāvārepi sabbattha vitthāro.)
70 Savitakkasavicāraṁ araṇaṁ dhammaṁ paṭicca savitakkasavicāro araṇo dhammo uppajjati hetupaccayā … satta.
71 Avitakkavicāramattaṁ araṇaṁ dhammaṁ paṭicca avitakkavicāramatto araṇo dhammo uppajjati hetupaccayā … pañca.
72 Avitakkaavicāraṁ araṇaṁ dhammaṁ paṭicca avitakkaavicāro araṇo dhammo uppajjati hetupaccayā. (Saṅkhittaṁ.)
73 Hetuyā sattatiṁsa, ārammaṇe ekavīsa, adhipatiyā tevīsa …pe… aññamaññe aṭṭhavīsa …pe… purejāte āsevane ekādasa …pe… avigate sattatiṁsa. (Saṅkhittaṁ.)
74 (Sahajātavārampi …pe… pañhāvārampi vitthāretabbaṁ.)
75 4.8.7. Pītittika, Saraṇaduka Paccayacatukka
76 Pītisahagataṁ saraṇaṁ dhammaṁ paṭicca pītisahagato saraṇo dhammo uppajjati hetupaccayā … tīṇi.
77 Sukhasahagataṁ saraṇaṁ dhammaṁ paṭicca sukhasahagato saraṇo dhammo uppajjati hetupaccayā … tīṇi.
78 Upekkhāsahagataṁ saraṇaṁ dhammaṁ paṭicca upekkhāsahagato saraṇo dhammo uppajjati hetupaccayā.
79 Pītisahagataṁ saraṇañca sukhasahagataṁ saraṇañca dhammaṁ paṭicca pītisahagato saraṇo dhammo uppajjati hetupaccayā … tīṇi. (Saṅkhittaṁ.)
80 Hetuyā dasa …pe… avigate dasa. (Saṅkhittaṁ.)
81 (Sahajātavārampi …pe… sampayuttavārampi paṭiccavārasadisaṁ.)
82 Pītisahagato saraṇo dhammo pītisahagatassa saraṇassa dhammassa hetupaccayena paccayo … tīṇi.
83 Sukhasahagato saraṇo dhammo sukhasahagatassa saraṇassa dhammassa hetupaccayena paccayo … tīṇi.
84 Upekkhāsahagato saraṇo dhammo upekkhāsahagatassa saraṇassa dhammassa hetupaccayena paccayo.
85 Pītisahagato saraṇo ca sukhasahagato saraṇo ca dhammā pītisahagatassa saraṇassa dhammassa hetupaccayena paccayo … tīṇi. (Saṅkhittaṁ.)
86 Hetuyā dasa, ārammaṇe soḷasa, adhipatiyā soḷasa …pe… upanissaye soḷasa …pe… avigate dasa. (Saṅkhittaṁ.)
87 (Yathā kusalattike pañhāvāraṁ, evaṁ vitthāretabbaṁ.)
88 Pītisahagataṁ araṇaṁ dhammaṁ paṭicca pītisahagato araṇo dhammo uppajjati hetupaccayā. (Saṅkhittaṁ.)
89 Hetuyā dasa …pe… avigate dasa. (Saṅkhittaṁ.)
90 (Sahajātavārepi …pe… pañhāvārepi tattakāva pañhā.)
91 4.8.8. Dassanattika, Saraṇaduka Paccayacatukka
92 Dassanena pahātabbaṁ saraṇaṁ dhammaṁ paṭicca dassanena pahātabbo saraṇo dhammo uppajjati hetupaccayā.
93 Bhāvanāya pahātabbaṁ saraṇaṁ dhammaṁ paṭicca bhāvanāya pahātabbo saraṇo dhammo uppajjati hetupaccayā. (Saṅkhittaṁ.)
94 Hetuyā dve …pe… avigate dve. (Saṅkhittaṁ.)
95 (Sahajātavārepi …pe… pañhāvārepi sabbattha vitthāro.)
96 Nevadassanena nabhāvanāya pahātabbaṁ araṇaṁ dhammaṁ paṭicca nevadassanena nabhāvanāya pahātabbo araṇo dhammo uppajjati hetupaccayā (Saṅkhittaṁ.)
97 Hetuyā ekaṁ …pe… avigate ekaṁ. (Saṅkhittaṁ.)
98 (Sahajātavārepi …pe… pañhāvārepi sabbattha ekaṁ.)
99 4.8.9. Dassanahetuttika, Saraṇaduka Hetu
100 Dassanena pahātabbahetukaṁ saraṇaṁ dhammaṁ paṭicca …pe… bhāvanāya pahātabbahetukaṁ saraṇaṁ dhammaṁ paṭicca …pe… nevadassanena nabhāvanāya pahātabbahetukaṁ saraṇaṁ dhammaṁ paṭicca nevadassanena nabhāvanāya pahātabbahetuko saraṇo dhammo uppajjati hetupaccayā. (Saṅkhittaṁ.)
101 4.8.10. Ācayagāmittika, Saraṇaduka Hetu-ārammaṇa
102 Ācayagāmiṁ saraṇaṁ dhammaṁ paṭicca ācayagāmī saraṇo dhammo uppajjati hetupaccayā. (Saṅkhittaṁ.)
103 Hetuyā ekaṁ …pe… avigate ekaṁ. (Saṅkhittaṁ.)
104 (Sahajātavārepi …pe… pañhāvārepi sabbattha ekaṁ.)
105 Ācayagāmiṁ araṇaṁ dhammaṁ paṭicca ācayagāmī araṇo dhammo uppajjati hetupaccayā … tīṇi.
106 Apacayagāmiṁ araṇaṁ dhammaṁ paṭicca apacayagāmī araṇo dhammo uppajjati hetupaccayā … tīṇi.
107 Nevācayagāmināpacayagāmiṁ araṇaṁ dhammaṁ paṭicca nevācayagāmināpacayagāmī araṇo dhammo uppajjati hetupaccayā.
108 Ācayagāmiṁ araṇañca nevācayagāmināpacayagāmiṁ araṇañca dhammaṁ paṭicca nevācayagāmināpacayagāmī araṇo dhammo uppajjati hetupaccayā.
109 Apacayagāmiṁ araṇañca nevācayagāmināpacayagāmiṁ araṇañca dhammaṁ paṭicca nevācayagāmināpacayagāmī araṇo dhammo uppajjati hetupaccayā. (Saṅkhittaṁ.)
110 Hetuyā nava, ārammaṇe tīṇi, adhipatiyā nava …pe… vipāke ekaṁ …pe… avigate nava. (Saṅkhittaṁ.)
111 (Sahajātavārampi …pe… sampayuttavārampi paṭiccavārasadisaṁ.)
112 Ācayagāmī araṇo dhammo ācayagāmissa araṇassa dhammassa hetupaccayena paccayo … tīṇi.
113 Apacayagāmī araṇo dhammo apacayagāmissa araṇassa dhammassa hetupaccayena paccayo … tīṇi.
114 Nevācayagāmināpacayagāmī araṇo dhammo nevācayagāmināpacayagāmissa araṇassa dhammassa hetupaccayena paccayo.
115 Ācayagāmī araṇo dhammo ācayagāmissa araṇassa dhammassa ārammaṇapaccayena paccayo. (Saṅkhittaṁ.)
116 Hetuyā satta, ārammaṇe satta, adhipatiyā dasa, anantare cha …pe… avigate terasa. (Saṅkhittaṁ.)
117 (Yathā kusalattike pañhāvāraṁ, evaṁ vitthāretabbaṁ.)
118 4.8.11. Sekkhattika, Saraṇaduka Hetu
119 Nevasekkhanāsekkhaṁ saraṇaṁ dhammaṁ paṭicca nevasekkhanāsekkho saraṇo dhammo uppajjati hetupaccayā. (Saṅkhittaṁ.)
120 Hetuyā ekaṁ …pe… avigate ekaṁ. (Saṅkhittaṁ.)
121 (Sahajātavārepi …pe… pañhāvārepi sabbattha ekaṁ.)
122 Sekkhaṁ araṇaṁ dhammaṁ paṭicca sekkho araṇo dhammo uppajjati hetupaccayā. Sekkhaṁ araṇaṁ dhammaṁ paṭicca nevasekkhanāsekkho araṇo dhammo uppajjati hetupaccayā. Sekkhaṁ araṇaṁ dhammaṁ paṭicca sekkho araṇo ca nevasekkhanāsekkho araṇo ca dhammā uppajjanti hetupaccayā.
123 Asekkhaṁ araṇaṁ dhammaṁ paṭicca asekkho araṇo dhammo uppajjati hetupaccayā … tīṇi.
124 Nevasekkhanāsekkhaṁ araṇaṁ dhammaṁ paṭicca nevasekkhanāsekkho araṇo dhammo uppajjati hetupaccayā.
125 Sekkhaṁ araṇañca nevasekkhanāsekkhaṁ araṇañca dhammaṁ …pe… hetupaccayā.
126 Asekkhaṁ araṇañca nevasekkhanāsekkhaṁ araṇañca dhammaṁ paṭicca nevasekkhanāsekkho araṇo dhammo uppajjati hetupaccayā. (Saṅkhittaṁ.)
127 Hetuyā nava, ārammaṇe tīṇi …pe… avigate nava. (Saṅkhittaṁ.)
128 (Sahajātavārampi …pe… sampayuttavārampi paṭiccavārasadisaṁ.)
129 Sekkho araṇo dhammo sekkhassa araṇassa dhammassa hetupaccayena paccayo … tīṇi.
130 Asekkho araṇo dhammo asekkhassa araṇassa dhammassa hetupaccayena paccayo … tīṇi.
131 Nevasekkhanāsekkho araṇo dhammo nevasekkhanāsekkhassa araṇassa dhammassa hetupaccayena paccayo. (Saṅkhittaṁ.)
132 Hetuyā satta, ārammaṇe pañca, adhipatiyā nava, anantare aṭṭha …pe… upanissaye aṭṭha …pe… āsevane dve, kamme aṭṭha, vipāke satta …pe… avigate terasa. (Saṅkhittaṁ.)
133 (Yathā kusalattike pañhāvāraṁ, evaṁ vitthāretabbaṁ.)
134 4.8.12. Parittattika, Saraṇaduka Hetu
135 Parittaṁ saraṇaṁ dhammaṁ paṭicca paritto saraṇo dhammo uppajjati hetupaccayā. (Saṅkhittaṁ.)
136 Hetuyā ekaṁ …pe… avigate ekaṁ. (Saṅkhittaṁ.)
137 (Sahajātavārepi …pe… pañhāvārepi sabbattha ekaṁ.)
138 Parittaṁ araṇaṁ dhammaṁ paṭicca paritto araṇo dhammo uppajjati hetupaccayā … tīṇi.
139 Mahaggataṁ araṇaṁ dhammaṁ paṭicca mahaggato araṇo dhammo uppajjati hetupaccayā … tīṇi.
140 Appamāṇaṁ araṇaṁ dhammaṁ paṭicca appamāṇo araṇo dhammo uppajjati hetupaccayā … tīṇi.
141 Parittaṁ araṇañca mahaggataṁ araṇañca dhammaṁ paṭicca paritto araṇo dhammo uppajjati hetupaccayā … tīṇi.
142 Parittaṁ araṇañca appamāṇaṁ araṇañca dhammaṁ paṭicca paritto araṇo dhammo uppajjati hetupaccayā. (Saṅkhittaṁ.)
143 Hetuyā terasa, ārammaṇe pañca, adhipatiyā nava …pe… aññamaññe satta …pe… purejāte āsevane tīṇi …pe… avigate terasa. (Saṅkhittaṁ.)
144 (Sahajātavārepi …pe… pañhāvārepi sabbattha vitthāro.)
145 4.8.13. Parittārammaṇattika, Saraṇaduka Hetu
146 Parittārammaṇaṁ saraṇaṁ dhammaṁ paṭicca parittārammaṇo saraṇo dhammo uppajjati hetupaccayā.
147 Mahaggatārammaṇaṁ saraṇaṁ dhammaṁ paṭicca mahaggatārammaṇo saraṇo dhammo uppajjati hetupaccayā. (Saṅkhittaṁ.)
148 Hetuyā dve …pe… avigate dve. (Saṅkhittaṁ.)
149 (Sahajātavārepi …pe… pañhāvārepi sabbattha vitthāro.)
150 Parittārammaṇaṁ araṇaṁ dhammaṁ paṭicca parittārammaṇo araṇo dhammo uppajjati hetupaccayā.
151 Mahaggatārammaṇaṁ araṇaṁ dhammaṁ paṭicca mahaggatārammaṇo araṇo dhammo uppajjati hetupaccayā.
152 Appamāṇārammaṇaṁ araṇaṁ dhammaṁ paṭicca appamāṇārammaṇo araṇo dhammo uppajjati hetupaccayā. (Saṅkhittaṁ.)
153 Hetuyā tīṇi …pe… avigate tīṇi. (Saṅkhittaṁ.)
154 (Sahajātavārepi …pe… pañhāvārepi sabbattha vitthāro.)
155 4.8.14. Hīnattika, Saraṇaduka Hetu
156 Hīnaṁ saraṇaṁ dhammaṁ paṭicca hīno saraṇo dhammo uppajjati hetupaccayā. (Saṅkhittaṁ.)
157 Hetuyā ekaṁ …pe… avigate ekaṁ. (Saṅkhittaṁ.)
158 Majjhimaṁ araṇaṁ dhammaṁ paṭicca majjhimo araṇo dhammo uppajjati hetupaccayā.
159 Paṇītaṁ araṇaṁ dhammaṁ paṭicca paṇīto araṇo dhammo uppajjati hetupaccayā … tīṇi.
160 Majjhimaṁ araṇañca paṇītaṁ araṇañca dhammaṁ paṭicca majjhimo araṇo dhammo uppajjati hetupaccayā. (Saṅkhittaṁ.)
161 Hetuyā pañca, ārammaṇe dve …pe… avigate pañca. (Saṅkhittaṁ.)
162 (Sahajātavārepi …pe… pañhāvārepi sabbattha vitthāro.)
163 4.8.15. Micchattaniyatattika, Saraṇaduka Hetu
164 Micchattaniyataṁ saraṇaṁ dhammaṁ paṭicca micchattaniyato saraṇo dhammo uppajjati hetupaccayā.
165 Aniyataṁ saraṇaṁ dhammaṁ paṭicca aniyato saraṇo dhammo uppajjati hetupaccayā. (Saṅkhittaṁ.)
166 Hetuyā dve …pe… avigate dve. (Saṅkhittaṁ.)
167 (Sahajātavārepi …pe… pañhāvārepi sabbattha vitthāro.)
168 Sammattaniyataṁ araṇaṁ dhammaṁ paṭicca sammattaniyato araṇo dhammo uppajjati hetupaccayā. Sammattaniyataṁ araṇaṁ dhammaṁ paṭicca aniyato araṇo dhammo uppajjati hetupaccayā. Sammattaniyataṁ araṇaṁ dhammaṁ paṭicca sammattaniyato araṇo ca aniyato araṇo ca dhammā uppajjanti hetupaccayā.
169 Aniyataṁ araṇaṁ dhammaṁ paṭicca aniyato araṇo dhammo uppajjati hetupaccayā.
170 Sammattaniyataṁ araṇañca aniyataṁ araṇañca dhammaṁ paṭicca aniyato araṇo dhammo uppajjati hetupaccayā. (Saṅkhittaṁ.)
171 Hetuyā pañca, ārammaṇe dve …pe… avigate pañca. (Saṅkhittaṁ.) (Sahajātavārampi …pe… pañhāvārampi vitthāretabbaṁ.)
172 4.8.16. Maggārammaṇattika, Saraṇaduka Hetu
173 Maggārammaṇaṁ araṇaṁ dhammaṁ paṭicca maggārammaṇo araṇo dhammo uppajjati hetupaccayā … tīṇi.
174 Maggahetukaṁ araṇaṁ dhammaṁ paṭicca maggahetuko araṇo dhammo uppajjati hetupaccayā … tīṇi.
175 Maggādhipatiṁ araṇaṁ dhammaṁ paṭicca maggādhipati araṇo dhammo uppajjati hetupaccayā … pañca.
176 Maggārammaṇaṁ araṇañca maggādhipatiṁ araṇañca dhammaṁ paṭicca maggārammaṇo araṇo dhammo uppajjati hetupaccayā … tīṇi.
177 Maggahetukaṁ araṇañca maggādhipatiṁ araṇañca dhammaṁ paṭicca maggahetuko araṇo dhammo uppajjati hetupaccayā … tīṇi. (Saṅkhittaṁ.)
178 Hetuyā sattarasa …pe… avigate sattarasa. (Saṅkhittaṁ.)
179 (Sahajātavārampi …pe… sampayuttavārampi paṭiccavārasadisaṁ.)
180 Maggārammaṇo araṇo dhammo maggārammaṇassa araṇassa dhammassa hetupaccayena paccayo … tīṇi.
181 Maggahetuko araṇo dhammo maggahetukassa araṇassa dhammassa hetupaccayena paccayo … tīṇi.
182 Maggādhipati araṇo dhammo maggādhipatissa araṇassa dhammassa hetupaccayena paccayo … pañca.
183 Maggārammaṇo araṇo ca maggādhipati araṇo ca dhammā maggārammaṇassa araṇassa dhammassa hetupaccayena paccayo … tīṇi.
184 Maggahetuko araṇo ca maggādhipati araṇo ca dhammā maggahetukassa araṇassa dhammassa hetupaccayena paccayo … tīṇi. (Saṅkhittaṁ.)
185 Hetuyā sattarasa, ārammaṇe nava, adhipatiyā ekavīsa, anantare samanantare nava, sahajāte aññamaññe nissaye sattarasa, upanissaye ekavīsa, āsevane nava, kamme sattarasa, āhāre …pe… sampayutte sattarasa …pe… avigate sattarasa. (Saṅkhittaṁ.)
186 (Yathā kusalattike pañhāvāraṁ, evaṁ vitthāretabbaṁ.)
187 4.8.17. Uppannattika, Saraṇaduka Hetu-ārammaṇa
188 Uppanno saraṇo dhammo uppannassa saraṇassa dhammassa hetupaccayena paccayo. (Saṅkhittaṁ.)
189 Hetuyā ekaṁ, ārammaṇe dve, adhipatiyā dve, sahajāte aññamaññe nissaye ekaṁ, upanissaye dve, kamme …pe… sampayutte ekaṁ …pe… avigate ekaṁ. (Saṅkhittaṁ.)
190 Uppanno araṇo dhammo uppannassa araṇassa dhammassa hetupaccayena paccayo. (Saṅkhittaṁ.)
191 Hetuyā ekaṁ, ārammaṇe tīṇi, adhipatiyā tīṇi …pe… upanissaye tīṇi …pe… avigate ekaṁ. (Saṅkhittaṁ.)
192 4.8.18. Atītattika, Saraṇaduka Hetu
193 Paccuppanno saraṇo dhammo paccuppannassa saraṇassa dhammassa hetupaccayena paccayo. (Saṅkhittaṁ.)
194 Hetuyā ekaṁ, ārammaṇe tīṇi, adhipatiyā tīṇi …pe… upanissaye tīṇi …pe… avigate ekaṁ. (Saṅkhittaṁ.)
195 Paccuppanno araṇo dhammo paccuppannassa araṇassa dhammassa hetupaccayena paccayo. (Saṅkhittaṁ.)
196 Hetuyā ekaṁ, ārammaṇe tīṇi, adhipatiyā tīṇi …pe… upanissaye tīṇi …pe… kamme dve …pe… avigate ekaṁ. (Saṅkhittaṁ.)
197 (Yathā kusalattike pañhāvāraṁ, evaṁ vitthāretabbaṁ.)
198 4.8.19. Atītārammaṇattika, Saraṇaduka Hetu-ārammaṇa
199 Atītārammaṇaṁ saraṇaṁ dhammaṁ paṭicca atītārammaṇo saraṇo dhammo uppajjati hetupaccayā.
200 Anāgatārammaṇaṁ saraṇaṁ dhammaṁ paṭicca anāgatārammaṇo saraṇo dhammo uppajjati hetupaccayā.
201 Paccuppannārammaṇaṁ saraṇaṁ dhammaṁ paṭicca paccuppannārammaṇo saraṇo dhammo uppajjati hetupaccayā. (Saṅkhittaṁ.)
202 Hetuyā tīṇi …pe… avigate tīṇi. (Saṅkhittaṁ.)
203 (Sahajātavārampi …pe… pañhāvārampi sabbattha vitthāretabbaṁ.)
204 Atītārammaṇaṁ araṇaṁ dhammaṁ paṭicca atītārammaṇo araṇo dhammo uppajjati hetupaccayā.
205 Anāgatārammaṇaṁ araṇaṁ dhammaṁ paṭicca anāgatārammaṇo araṇo dhammo uppajjati hetupaccayā.
206 Paccuppannārammaṇaṁ araṇaṁ dhammaṁ paṭicca paccuppannārammaṇo araṇo dhammo uppajjati hetupaccayā. (Saṅkhittaṁ.)
207 Hetuyā tīṇi …pe… avigate tīṇi. (Saṅkhittaṁ.)
208 (Sahajātavārampi …pe… sampayuttavārampi paṭiccavārasadisaṁ.)
209 Atītārammaṇo araṇo dhammo atītārammaṇassa araṇassa dhammassa hetupaccayena paccayo.
210 Anāgatārammaṇo araṇo dhammo anāgatārammaṇassa araṇassa dhammassa hetupaccayena paccayo.
211 Paccuppannārammaṇo araṇo dhammo paccuppannārammaṇassa araṇassa dhammassa hetupaccayena paccayo.
212 Atītārammaṇo araṇo dhammo atītārammaṇassa araṇassa dhammassa ārammaṇapaccayena paccayo. (Saṅkhittaṁ.)
213 Hetuyā tīṇi, ārammaṇe nava, adhipatiyā …pe… samanantare satta, sahajāte aññamaññe nissaye tīṇi, upanissaye nava, āsevane tīṇi, kamme nava, vipāke …pe… sampayutte tīṇi …pe… avigate tīṇi. (Saṅkhittaṁ.)
214 (Yathā kusalattike pañhāvāraṁ, evaṁ vitthāretabbaṁ.)
215 4.8.20. Ajjhattattika, Saraṇaduka Hetu
216 Ajjhattaṁ saraṇaṁ dhammaṁ paṭicca ajjhatto saraṇo dhammo uppajjati hetupaccayā.
217 Bahiddhā saraṇaṁ dhammaṁ paṭicca bahiddhā saraṇo dhammo uppajjati hetupaccayā.
218 Hetuyā dve …pe… avigate dve. (Saṅkhittaṁ.)
219 (Sahajātavārepi …pe… pañhāvārepi sabbattha vitthāro.)
220 Ajjhattaṁ araṇaṁ dhammaṁ paṭicca ajjhatto araṇo dhammo uppajjati hetupaccayā.
221 Bahiddhā araṇaṁ dhammaṁ paṭicca bahiddhā araṇo dhammo uppajjati hetupaccayā. (Saṅkhittaṁ.)
222 Hetuyā dve …pe… avigate dve. (Saṅkhittaṁ.)
223 (Sahajātavārepi …pe… pañhāvārepi sabbattha vitthāro.)
224 4.8.21. Ajjhattārammaṇattika, Saraṇaduka Hetu
225 Ajjhattārammaṇaṁ saraṇaṁ dhammaṁ paṭicca ajjhattārammaṇo saraṇo dhammo uppajjati hetupaccayā.
226 Bahiddhārammaṇaṁ saraṇaṁ dhammaṁ paṭicca bahiddhārammaṇo saraṇo dhammo uppajjati hetupaccayā. (Saṅkhittaṁ.)
227 Hetuyā dve …pe… avigate dve. (Saṅkhittaṁ.)
228 (Sahajātavārepi …pe… pañhāvārepi sabbattha vitthāro.)
229 Ajjhattārammaṇaṁ araṇaṁ dhammaṁ paṭicca ajjhattārammaṇo araṇo dhammo uppajjati hetupaccayā.
230 Bahiddhārammaṇaṁ araṇaṁ dhammaṁ paṭicca bahiddhārammaṇo araṇo dhammo uppajjati hetupaccayā. (Saṅkhittaṁ.)
231 Hetuyā dve …pe… avigate dve. (Saṅkhittaṁ.)
232 (Sahajātavārepi …pe… pañhāvārepi sabbattha vitthāro.)
233 4.8.22. Sanidassanattika, Saraṇaduka Hetu
234 Anidassanaappaṭighaṁ saraṇaṁ dhammaṁ paṭicca anidassanaappaṭigho saraṇo dhammo uppajjati hetupaccayā. (Sabbattha ekaṁ.)
235 Anidassanaappaṭighaṁ araṇaṁ dhammaṁ paṭicca anidassanaappaṭigho araṇo dhammo uppajjati hetupaccayā … satta. (Saṅkhittaṁ.)
236 Hetuyā ekavīsa, ārammaṇe ekaṁ …pe… anantare samanantare ekaṁ, sahajāte ekavīsa, aññamaññe cha …pe… upanissaye purejāte āsevane ekaṁ …pe… avigate ekavīsa. (Saṅkhittaṁ.)
237 (Sahajātavārampi …pe… sampayuttavārampi paṭiccavārasadisaṁ.)
238 Anidassanaappaṭigho araṇo dhammo anidassanaappaṭighassa araṇassa dhammassa hetupaccayena paccayo. (Saṅkhittaṁ.)
239 Hetuyā satta, ārammaṇe tīṇi, adhipatiyā nava, anantare samanantare ekaṁ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṁ, kamme vipāke āhāre satta, indriye nava, jhāne magge satta, sampayutte ekaṁ, vippayutte aṭṭha …pe… avigate pañcavīsa. (Saṅkhittaṁ.)
240 (Yathā kusalattike pañhāvāraṁ, evaṁ vitthāretabbaṁ.)
